Vetit e fibrave

Vetit e fibrave

Me siguri tashmë e dini që fibrat mundësojnë balancimin e tretjes. Por a keni ditur që fibrat mund të parandalojnë sëmundjet e shpeshta, madje vdekjeprurëse? Shtimi i konsumimit të fibrave është i lehtë sepse ekzistojnë shumë ushqime që janë të pasura me fibra.

Kanceri i gjirit
Drithërat e papërpunuara janë burim i shkëlqyeshëm i fibrave, ndërsa kur është fjala për parandalimin e krijimit të kancerit të gjirit, thjesht nuk mund ta teproni.

Hormoni estrogjen mund të përshpejtojë rritjen e qelizave kancerogjene te disa lloje të kancerit të gjirit, ndërsa fibrat do të rregullojnë nivelin e estrogjenit në trup dhe do të reduktojnë rrezikun nga krijimi i qelizave kancerogjene.

Drithërat e papërpunuara mund t’ju ndihmojnë edhe në mënyra tjera. Fibrat rregullojnë shpërbërjen e karbohidrateve dhe në këtë mënyrë rregullojnë nivelin e sheqerit në gjak dhe mbajnë nivelin e insulinës ne nivel normal. Shkencëtarë kanë dëshmuar që niveli shumë i lartë i insulinës në trup mund të nxisë zhvillimin e kancerit të gjirit.

Hani të paktën 3 porcione me drithëra të plota në ditë. Ata mund t’i gjeni në corn flakes, pasta ose oriz, si dhe bukën nga drithërat e papërpunuara. Provoni të përzieni një filxhan drithëra nga drithërat e plota me një çerek filxhani me pemë të thata ose të freskëta për të përmbushur nevojën e trupit për fibra dhe pemë.

Kanceri i zorrës së trashë
Fibrat janë të formuara ashtu që mbrojnë nga materiet kancerogjene në zorrën e trashë. Ekspertët këshillojnë të konsumoni më shumë se sasia mesatare, e cila është rreth 15 g. Fibrat do të nxisin tretjen dhe të gjithë komponimet potencialisht kancerogjene do ta lëshojnë trupin mjaft shpejt që të mos shkaktojnë asnjë dëm.

Konsumoni 25 deri 35 g fibra në ditë. Tri porcione nga drithërat e plota do të plotësojnë këtë nevojë ditore. Për të rritur konsumin e fibrave konsumoni bimë bishtajore, arra dhe fara.

Diabeti
Drithërat e plota dhe karbohidratet komplekse janë ushqime të cilat janë treguar më të suksesshme në parandalimin e diabetit. Tërshëra dhe fasulet përmbajnë fibra që janë të tretshme në ujë dhe në këtë mënyrë krijojnë këllëf mbrojtës në sistemin tretës, treten më ngadalë por për këtë arsye ju mbajnë të ngopur një kohë më të gjatë dhe rregullojnë nivelin e sheqerit në gjak. Fibrat e tretshme po ashtu rregullojnë nivelin e kolesterolit, reduktojnë rrezikun nga krijimi i sëmundjeve të zemrës dhe sulmit në zemër. Fibrat e patretshme të cilat treten më shpejt në traktin tretës po ashtu janë të lidhura me reduktimin e rrezikut nga krijimi i diabetit.

Mënyrë e shkëlqyeshme për të rritur konsumin e fibrave janë corn flakes nga drithërat e plota për mëngjes, ndërsa gjatë ditës buka nga drithërat e papërpunuara, ndërsa fasule të paktën një herë në jave.

Sëmundjet e zemrës
Përbërësit shërues që gjenden në ushqimet siç janë qulli, krundet, bimët bishtajore, fasulet dhe bizele janë fibrat tretëse. Reduktojnë nivelin e kolesterolit, ndërsa hulumtimet tregojnë që nivelin e përgjithshëm të kolesterolit e reduktojnë për 10 deri 15 për qind, për ç’arsye zemra do t’ju jetë falënderuese.

Konsumoni të paktën 10 g të fibrave tretëse. Tërshëra përmban fibra tretëse më shumë se cilat do drithëra, 2 deri 3 g për shujtë. Me konsumimin e rregullt të tërshërës vetëm pas 2 ditëve niveli i kolesterolit ulet për 2 deri 3 për qind.

Trashja
Ushqimi i pasur me fibra përmban pak kalori dhe yndyra dhe do t’ju mbajë të ngopur për një kohë më të gjatë. Fibrat treten më ngadalë, për ç’arsye do të vijë deri te rregullimi i nivelit të sheqerit në gjak. Drithërat e papërpunuara janë të pasura me magnez dhe vitaminën B6 të cilat përshpejtojnë dobësimin.

Nëse nuk jeni adhurues i drithërave të papërpunuara, shtojini në gjellat kryesore, sallata dhe supa. Zëvendësoni orizin e bardhë me integral, në vend të bukës së bardhë hani atë nga drithërat e papërpunuara.