zanfina_ismajli

Zanfina pro operacioneve plastike

Zanfina Ismajli ka pohuar gjatë një interviste për “Infopress” se ajo gjithmonë është pro gjërave që e bëjnë njeriun të lumtur, përfshirë operacionet plastike dhe shoopingun e tepruar.

Sipas Zanfinës njeriu duhet t’i shërojë komplekset, qoftë edhe me operacione plastike.

“Unë gjithmonë jam pro gjërave që e bëjnë njeriun të lumtur, qofshin ato operacione, shooping i tepruar apo çka do qoftë. Njeriu më mirë është të bëjë ndonjë operacion që ia shëron komplekset sesa të jetojë i frustruar dhe të shpërndajë energji negative rreth vetes”, ka thënë këngëtarja.

Zanfina ka pohuar se ende nuk ka pushuar për këtë verë, por do të dëshironte së paku një javë t’i kaloj për pushime diku.

“Kam pushuar vetëm një ditë, por do të doja të pushoja së paku një javë diku, sepse këtë verë më shumë kam punuar dhe kam nevojë për pushim”, ka shtuar Zanfina.