files (1)

Vëllezërit Ismaili nuk kanë qenë te liqeni në momentin e vrasjes!

Të dyshuarit kryesor për vrasjen e pesëfishtë te Liqeni i Smilkovcës ose Hekuranës siç njihet ndryshe, Afrim dhe Agim Ismaili, do të mbrohen me faktin se ata në momentin kur ka ndodhur likuidimi nuk kanë qenë aty, në vendin e ngjarjes, por kanë qenë në internet-kafenenë e tyre.

Kështu pohojnë anëtarët e familjes së tyre të cilët jetojnë në fshatin Hasanbeg të Shkupit, njofton Zhurnal.

Vëllai më i madh, Agim Ismaili (33), siç njoftoi policia është na paraburgim, kurse vëllai tjetër një vjet më i ri sipas policisë është në arrati dhe gjendet në Kosovë.

Ata së bashku kanë jetuar me një shtëpi, kurse Agimi para dy viteve është kthyer nga Hamburgu i Gjermanisë së bashku me bashkëshorten e tij për ta rregulluar nënshtetësinë dhe të marrë pasaportë të re biometrike.

Më parë në Gjermani ka qëndruar rreth 7 vjet. I dyshuari i dytë deri para disa viteve ka punuar në një shitore për shitjen e hamburgerëve në qendrën tregtare “Çairçankë”. Pastaj që të dy kanë vendosur që të hapin një internet kafe afër shtëpisë së tyre.

Policia i ka marrë edhe shtëpizat e kompjuterëve nga lokali i internetit.