Tavolina super e shpejtë arrin shpejtësinë deri në 181 km/h
Perry Watkins, shpikës nga Nottinggamshirei, ka krijuar njërën prej orendive më të shpejta në botë. Ai ka arritur të vozitet me tavolinën e tij të kuzhinës deri në 181 kilometra në orë.
Watkins u ul në tavolinën të cilën e quajti “Fast Food” dhe u nis nëpër rrugët e Santa Podit në Nottinghamshire. Besoni ose jo, ai arriti shpejtësinë prej 181 km/h, duke thyer rekordin e vitit 2007 i cili është vendosur me vozitjen e divanit, e cila arriti shpejtësinë prej 148 km/h.
Tash Watkins shpreson se rekordi i tij me tavolinën super të shpejtë do të regjistrohet në Librin e Rekordeve Guinness.
Përndryshe, britaniku ka punuar në tavolinën “Fast Food” për më shumë se një vit në garazhin e tij, por ky është vetëm njëri prej automjeteve të tij të pazakonta.
Perry Watkins ende mban rekordin e drejtimit të automobilit më të ngadalshëm në botë, ndërsa ai pohon se mban rekordin edhe në krijimin e automobilit më të vogël. Vitin e kaluar ai krijoi automobilin e gjatë gjithsej 129 centimetra, i lartë 989 centimetra, ndërsa gjerësia mbërrinte në 66 centimetra, që në të vërtetë ishte një lodër e modifikuar për fëmijë.
