Dhe fituesja eshte… Eneda Tarifa! Spektakel i magjishem! Emocione, te papritura, duartrokitje, dritherima; ne kete atmosfere u mbyll nata finale e festivalit me te madh te muzikes moderne shqiptare  ’Top Fest 7′.

“Ju falenderoj te gjitheve ju, drejtuesit e festivalit, koleget e mi, kompozitorin, familjen time dhe te gjithe publikun qe me ka mbeshtetur”, u shpreh Tarifa menjehere pasi mori cmimin e madh te eventit.

Mbremja u zhvillua ne nje atmosfere elektrizuese ne sallen e Pallatit te Kongreseve, ku publiku nuk reshti se mbeshteturi te preferuarit e tij. Nen drejtimin energjik te Ledion Licos dhe Albana Osmanit, festivali mbylli siparin e tij, por kenget e prezantuara ne kete edicion pa diskutim qe do te vazhdojne te jene te preferuarat tuaja edhe per shume kohe, ndersa do te mund t’i shijoni ne ekranet e televizioneve muzikore dhe ne valet e radiove.

10 cmimet e tjera

Videoklipi me i mire: Leonora Jakupi;
Best Hip Hop & R&B: Jonida Maliqi dhe Big Basta;
Cmimi Radiofonik nga Top Albania Radio: NRG Band
Cmimi i Internetit: Noizy ft Lil Coli;
Cmimi Kengetarja me e Mire Femer: Besa Kokedhima;
Cmimi Kengetari me i Mire Mashkull: Valon Shehu;
Cmimi Artisti me i Mire i Ri: XXL;
Cmimi Best Pop&Rock: Kamela;
Cmimi Grupi me i Mire: Troja;
Cmimi Interpretuesja me e Mire: Mariza Ikonomi;

Kujtohet Dritan Hoxha

Vec cmimeve te ndara mes duartrokitjeve, brohoritjeve te fansave, dritherimave, nje moment krejt i vecante shkaktoi emocione te forta jo vetem tek te pranishmit ne salle, por edhe te te gjithe teleshikuesit. Me ane te pamjeve filmike u kujtua Dritan Hoxha, njeriut qe beri historine ne median shqiptare.

Te gjithe spektatoret, te ngritur ne kembe me duartrokitje te vazhdueshme shoqeruan dhe nderuan Dritan Hoxhen, themeluesin e Top Medias, presidentin e paharruar te kesaj kompanie. Me kete rast, bashkeshortja e tij, zonja Vjollca Hoxha dha nje cmim special ne emer te Dritan Hoxhes, per fituesin e Top Fest 1, Alban Skenderajn.Kengetari, i cili nisi karrieren e tij, pikerisht ne kete festival te muzikes moderne shqiptare, falenderoi Hoxhen per besimin e treguar ndaj tij dhe shprehu te gjithe mirenjohjen per vleresimin e marre nder vite.

Me shume emocion dhe nostalgji per Dritan Hoxhen jane performuar ne skenen e Top Fest pasazhe te tre prej kengeve te tij te preferuara “Nothing Else Matters”,”No Leaf Clover” dhe “Show Must go on”, nga Alban Skenderaj, Eugent Bushpepa, Xuxi shoqeruar nga trupa e baletit e Top Channel. Dhe te gjithe bashke nuk harrojme kurre se ….”Endrra vazhdon!”.

E dimë që është ende herët për të bërë predikime, por këngët e prezantuara këtë vit në festivalin “Top Fest 7” kanë qenë aq të mira, ndërsa ajo që e bën të ndryshëm sivjet këtë festival është pikërisht muzika.

Këtë herë do këndohet live çka do të thotë që më në fund do kemi mundësinë të vlerësojmë këngëtarët e vërtetë dhe jo kompjuterët e programet më të mira.

Artistë të rinj dhe emra të njohur të skenës kanë sjellë krijime të çdo zhanri muzikor që fatmirësisht nuk kanë qenë as me mangësi e as të tepruara, këngë dhe interpretime që duken të vërteta dhe i përshtaten mjaft mirë shijes së rinisë në shqiptare.

Më poshtë janë disa këngë të përzgjedhura nga Shekulli, duke u bazuar në muzikën, tekstin, interpretimin në skenë, paraqitja dhe diskutimi që kanë ngritur këto krijime në forume të ndryshme:

1- Besa Kokëdhima – Kalorësi i natës
2- Hana Cekuli – Dashuria e fatit tim
3- Vedat Ademi – Koha s’kthehet
4- XXL – Adrenalina
5- Xhani Shqerra – Chanson d’amour
6- Flaka Krelani – Ëndërr
7- Gerta Herta – Inspirim
8- Jonida Maliqi dhe Big Basta -Sot t’i japim fund
9- Troja – Mbretnesha kohë
10- Rovena dhe Iva Stefa – E gjej
11- Mondi Marku – SuperLove
12- Stresi – My Love

/Shekulli/

Ndryshe nga këngët e kaluara, kur këngëtarja Samanta Karavello ka sjell gjithmonë balada, këtë herë ajo në festivalin “Top fest 7” është paraqitur me një këngë më ritmike, por edhe me një paraqitje tjetër skenike.

Në fakt duke qenë se publiku ishte mësuar që të më njeh gjithnjë me balada nëpër festivale, mendova që të ndryshoj dhe të tregoj anën time vokale. Në “Top fest”, jam prezantuar me këngën “Femër fatale” e stilit muzikor RnB, ku jam munduar të tregoj profesionalizëm, por edhe ndryshime në paraqitje skenike”, ka thënë Karavello.

E treta e vërteta

Këngëtarja Karavello ka treguar se konkurrenca në këtë festival është shumë e madhe. Për këngëtaren nga Shqipëria kjo është pjesëmarrja e tretë në këtë festival, dhe ajo beson se këtë vit do të shpërblehet. “Duke besuar në thënien “E treta e vërteta”, po shpresoj që këtë vit të vlerësohem ashtu siç e meritoj. Gjatë këtyre viteve të karrierës sime, jam prezantuar me shumë këngë të mira, por çuditërisht nuk janë vlerësuar ashtu sa e kanë merituar”, ka pohuar ajo duke shtuar që pas festivalit, kësaj këngë mendon t’ia bën edhe videoklipin.

Edhe një këngë të re

Talentja e zbuluar nga spektakli “Ethet e së premtes mbrëma” është shprehur se në vitet e ardhshme do të eksperimentoj edhe me zhanre tjera muzikore, por pa i harruar baladat të cilat i ka shumë për qejfi. “Dua ta sprovoj veten në shumë zhanre për të treguar talentin tim muzikor, por asnjëherë nuk do i lë anash, baladat ngase ndihem më mirë se në secilin zhanër tjetër”. Ajo ka bërë të ditur se është në përgatitje edhe të një këngë të re të cilën do ta shoqëroj bashkë me videoklip, ndërkohë sa i përket albumit ende nuk ka ndonjë plan konkret. “Kam disa këngë që do t’i lansojë këtë vit, ndërsa albumin e shoh ende larg, ndoshta në fund të vitit”, ka paralajmëruar Samanta Karavello.

Nga e hëna fillon për të shtatin vit radhazi festivali i muzikës moderne shqiptare “Top Fest” i organizuar nga Top Channel, ku do të konkurrojnë këngëtarë dhe grupe nga Shqipëria, Kosova, Maqedonia e diaspora.

“Është shndërruar tani në një prej traditave më të bukura të muzikës shqiptare. Pasi janë kapur të njëjtat standarde me evenimente të tilla që ndodhin në botë. Edhe këtë edicion si ato të mëparshmet, kemi këngë të bukura”, është shprehur prezantuesja e festivalit, Albana Osmani.

“Top Fest do të ketë tri faza. Në fazën e parë do të ketë 120 këngë që do të luhen me playback, ndërsa faza e dytë do të ketë gjysmat e këtyre këngëve. Në fazën e dytë dhe të tretë këndimi do të bëhet live me një orkestër gjigante”, sqaron udhëheqësi muzikor Dorian Gjoni. /tch/