Delegacione nga të gjitha vendet e rajonit janë mbledhur sot në Tiranë në konferencën me temë “Karta e Adriatikut, Integrimi Euro-Atlantik dhe sfidat e Sigurisë në Ballkanin Perëndimor”, që organizohet nga Kuvendit i Shqipërisë dhe do të zgjasë tre ditë.

Sesioni i hapjes u përshëndetet nga ambasadori i SHBA-ve në Tiranë, Aleksandër Arvizu, kryeministri Sali Berisha si dhe kryeparlamentarja Topalli.

BERISHA
Kryeministri Berisha ka deklaruar në celjen e punimeve të kësja konference, se Karta e Adriatikut, ia ka arritur qëllimit të saj, duke sjellë ndryshime epokale në rajon, duke bërë që edhe vendet armike të nisin bashkëpunimin,sic tha ai.

“Mirënjohje për ata që ideuan Kartën e Adriatikut si një instrument të ri me të cilin donin të ndihmonin vendet tona për progres në rritje drejt anëtarësimit në NATO. Mirënjohje për funksionimin e kësaj nisme që ia doli të shënojë ndryshime epokale në rajon, të bëjë kombet e këtij rajoni më të sigurta se kurrë. Ishte kjo nismë, Karta e Adriatukut, e cila bëri të mundur anëtarësimin e suksesshëm të Shqipërisë edhe Koacisë, de fakto edhe të Maqedonisë në NATO. Karta e Adriatikut 5 sot, menjëherë pas themelimit e filloi me cështjet më sensitive që janë ato të sigursië, kjo nismë shërbeu për ndërtimin me shpejtësi të urave të bashkëpunimit ndërmjet vendeve që më parë nuk kishin parë me sy të mirë njëri-tjetrin. Vendet armike kanë shënuar sot një kapitull të ri në histori, kapitull bashkëpunimi”, theksoi Berisha.

Duke e cilësuar këtë kartë unike në llojin e vetë, Berisha përmendi edhe shtetin më të ri të rajonit, Kosovën si një vend që paraqet siguri për Ballkanin.

Jam i bindur se Kosova, e cila është de fakto anëtare e NATO-s me gjithë bashkëpunimin e shkëlqyr që ka dhënë KFOR-i është garanci për stabilitet dhe paqe në rajon. Jam i bindur se pas kapërcimit të një situate problematike në veriun e Kosovës, Serbia do të marrë rolin që i takon në interesim të mirë të së ardhmes së kombit serb”, tha kryeministri./balkaweb/

Kryeministri i Shqipërisë, Sali Berisha, tha se në samitin e NATO-s në Lisbonë, është diskutuar edhe për Kosovën, me ç’rast është vlerësuar se Kosova është faktor paqeje dhe stabiliteti në rajon.

“Samiti shprehu vlerësim qartësisht pozitiv për Kosovën, forcat e saj të sigurisë, policinë e saj, duke dëshmuar se aleanca e konsideron Kosovën një faktor të rëndësishëm paqeje dhe stabiliteti në rajon”, tha sot Sali Berisha, në mbledhjen e grupit parlamentar të Partisë Demokratike të Shqipërisë.

Ai më tutje deklaroi se në fjalimin e tij në samit, ka thënë se “Ballkani Perëndimor është biznes i papërfunduar për aleancën” dhe ka theksuar rëndësinë që vendet e Ballkanit kanë për NATO-n dhe faktin se NATO-ja është ende e nevojshme me praninë e saj në Kosovë. /rel/

Kryeministri në largim i Qeverisë së Kosovës, Hashim Thaçi i ka drejtuar të hënën një mesazh urimi homologut të tij shqiptar, Sali Berisha me rastin e liberalizimit të vizave për shtetasit e Republikës së Shqipërisë.

“Dëshiroj t’i dërgoj një mesazh homologut tim, kryeministrit të Republikës së Shqipërisë, Sali Berisha, sot, kur për Shqipërinë po ndodhë një histori, po fillon liberalizimi i vizave për Shqipërinë.

“Uroj kryeministrin Berisha, gjithë spektrin politik në Shqipëri, popullin shqiptar. Ky është një sukses historik për Shqipërinë, për paqen dhe stabilitetin në rajon, për perspektivën evropiane dhe mendoj se diçka e tillë do të ndodhë shumë shpejt edhe për Republikën e Kosovës”, theksoi Thaçi në mesazhin e tij për kryeministrin Sali Berisha.

Në kuadër të qëndrimit të tij në Shqipëri, kryetari i i AKR, Behgjet Pacolli i shoqëruar nga zëvendëskryetarja e kësaj partie,  Mimoza Kusari Lila, u takua me kryeministrin e Shqipërisë, Sali Berisha si dhe zëvendëskryeministrin dhe ministrin e ekonomisë, Ilir Meta.

Në takimin e ngrohtë dhe vllazëror që u zhvillua në mes të kryeministrit të Shqipërisë me Pacollin, u diskutua për një mori çështjesh të rëndësishme për bashkëpunimin midis Kosovës dhe Shqipërisë.

Në këtë takim u diskutuan mundësitë e ngritjes së bashkëpunimit ekonomik në mes të dy vendeve me ç`rast nga kryeministri Berisha u kërkua që ai dhe kabineti i tij të krijojnë kushte të barabarta për plasimin e produkteve kosovare në tregun e Shqipërisë.

Në këtë kontekst, u përmend edhe rasti i mosplasimit të patates, si dhe rasti i mosplasimit të rrushit të Rahovecit në tregun shqiptar.
Kryeministri Berisha u shpreh i brengosur gjatë dëgjimit  për pengesat e plasimit të rrushit në tregun e Shqipërisë dhe premtoi se do t`a shqyrtojë për së afërmi mundësinë e heqjes së të gjitha barrierave në mes të tregut të Kosovës dhe Shqipërisë.

Pacolli, e informoi kryeministrin Berisha me dinamikën e proceseve politike duke e siguruar se zgjidhja e situatës aktuale në Kosovë po bëhet në kuadër të Kushtetutës së Republikës së Kosovës.
Ndërsa gjatë bisedës me Ilir Metën, u diskutua për krizën insititucionale në Kosovë dhe rrugë e zgjidhjes së saj si dhe rolin e AKR-së në këtë proces.

Meta vlerësoi rolin e Pacollit në drejtim të njohjeve të reja të Kosovës, ndërsa Pacolli e vlerësoi mbështetjen e  Metës në cilësinë e ministrit të jashtëm në këtë proces.
Gjatë qëndrimit të tij në Shqipëri, Pacolli do të qëndroje në Lezhë ku do të marrë titullin „Qytetar Nderi“ të kësaj komune  të Shqipërisë.

Kryeministri i Shqipërisë, Sali Berisha u takua me zëvendëskryeministrin, njëherësh ministër i Energjisë Atomike të Izraelit, Dan Meridor, ndërsa me këtë rast u vlerësuan marrëdhëniet e shkëlqyera politike që ekzistojnë ndërmjet dy vendeve e qeverive.

Me këtë rast, kryeministri i Shqipërisë i kërkoi zëvendëskryeministrit izraelit që qeveria izraelite të marrë në konsideratë dosjen e Kosovës, si një kontribut i rëndësishëm ndaj rajonit, duke theksuar se pavarësia e Kosovës tashmë e certifikuar nga vendimi i GJND-së.

Ndërkaq, Meridor i përcolli kryeministrin Berisha përshëndetjet e presidentit Perez dhe kryeministrit Benjamin Netanyahu, duke shprehur kënaqësinë e veçantë që ndodhet për vizitë zyrtare në Shqipëri, në atdheun e një kombi i cili në periudhën e errët të historisë evropiane dëshmoi një shembull të lartë të dashurisë dhe solidaritetit njerëzor, duke mbrojtur hebrenjtë që gjetën strehë në trojet shqiptare dhe duke mos i dorëzuar ata te nazistët.

Kryeministri Sali Berisha priti sot, në një takim Sekretarin e Përgjithshëm të Ministrisë së Punëve të Jashtme të Greqisë, ambasadorin Yannis-Alexios Zepos. Në takim ishte i pranishëm edhe ambasadori grek në Shqipëri Nikolas Pazios.

Pasi i uroi përzemërsisht mirëseardhjen, Kryeministri Berisha e falënderoi ambasadorin Zepos për ndihmën dhe mbështetjen e vazhdueshme që Greqia i ka dhënë Shqipërisë në veçanti për integrimin në Bashkimin Europian dhe të gjitha proceset e lidhura me të.

Ambasadori Zepos e falënderoi Kryeministri Berisha për pritjen e përzemërt dhe i përcolli përshëndetjet më të përzemërta të Kryeministrit grek Papandreu.

Ambasadori Zepos i rishprehu Kryeministrit Berisha qëndrimin e qeverisë greke në mbështetje të plotë të integrimit sa më të shpejtë të Shqipërisë në BE. Greqia, u shpreh ai, mbështet fuqishëm heqjen sa më shpejt të vizave për qytetarët shqiptarë, e cila do të mundësojë lëvizjen e tyre të lirë në hapësirën evropiane, si të barabartë me qytetarët e tjerë të BE-së. Ne jemi shumë të lumtur për marrëdhënien e ngushtë që ekziston midis dy vendeve dhe ndjenjat e miqësisë që ruajnë të dy popujt fqinj e miq.

Në takim u vlerësuan Agjenda e Selanikut si platforma me e shkëlqyer e solide për integrimin e Ballkanit Perëndimor në BE. Kryeministri Berisha shfrytëzoi rastin për t’i përcjelle edhe një herë Kryeministrit Papandreu mirënjohjen për iniciativën e tij për përshpejtimin e procesit të integrimit të Shqipërisë dhe vendeve të Ballkanit Perëndimor, duke përcaktuar vitin 2014 si vit përfundimtar i këtij procesi.

Më tej, Sekretari i Përgjithshëm i MPJ-së greke i bëri me dije Kryeministrit Berisha për shqetësimin që ka shkaktuar ngjarja tragjike e vrasjes së të riut Aristotel Guma në rrethet politike greke, si një akt individësh të frymëzuar nga ndjenja nacionaliste.

Duke e dënuar këtë si një akt barbar, Kryeministri Berisha i rikonfirmoi ambasadorit Zepos qëndrimin e palëkundur të qeverisë shqiptare për arritjen në Shqipëri të standardeve më të larta të mbrojtjes së të drejtave të njeriut dhe minoriteteve. Në këtë kontekst, Kryeministri Berisha e garantoi ambasadorin Zepos se akte të izoluara nuk përfaqësojnë ndjenjat e miqësisë dhe të vlerësimit që qytetarët shqiptarë, kombi shqiptar ruan ndaj popullit fqinj grek dhe ndaj kontributit dhe ndihmës që Greqia i ka dhënë Shqipërisë në vazhdimësi.

Gjithashtu, ambasadori Zepos i shprehu Kryeministrit Berisha edhe një herë shqetësimin e qeverise greke për marrëveshjen e ujërave territoriale, duke e vlerësuar këtë si një marrëveshje shumë të mirë e rigoroze dhe se pala greke shpreson që edhe për këtë çështje të arrihet në një zgjidhje sa më të shpejtë.

Në fund të takimit, të dy palët rikonfirmuan angazhimin e të dy qeverive dhe vendeve për të konsoliduar dhe thelluar bashkëpunimin në të gjitha fushat në dobi të interesit më të mirë të të dy vendeve e popujve miq, si dhe vazhdimin e mbështetjes të qeverisë greke dhe vendit fqinj për integrimin sa më të shpejtë të Shqipërisë në Bashkimin Evropian.

Ish-ministri i Ekonomisë, Tregtisë dhe Energjitikës, Dritan Prifti ka deklaruar se është larguar nga qeveria me vullnetin e tij.

Në një deklaratë për shtyp të mbajtur para pak castesh, Prifti ka bërë të ditur se ia kishte komunikuar më parë largimin e tij kryeministrit Berisha.

“I kam komunikuar kryeministrit Sali Berisha dorëheqjen. I jam mirënjohes Berishës dhe LSI-së”, ka deklar Prifti.

Deputeti i LSI ka theksuar se në gjashtë muajt e fundit ai ka qenë nën presione të forta, të cilat sipas tij janë shoqëruar me kërcënime ndaj jetës.

“Kam punuar nën presione të forta, përfshirë këtu kërcënime për jetën dhe familjen, të cilat i kam denoncuar dhe pres reagimin e prokurorisë”, ka theksuar Prifti.

Ai ka hedhur poshtë akuzat e bëra së fundmi ndaj tij nga opozita, duke nënvizuar se nuk ka bërë asnjë shkelje të ligjit.

“Presionin e kam përballuar me sukses dhe nuk kam bërë asgjë që shkel ligjin. Opozita më ka sulmuar për një deklarim pasurie që unë e kam deklaruar vetë dhe për një pasuri që unë e zotëroja”, është shprehur Prifti.

Anëtari i LSI, mandati i të cilit ka një rëndësi jetike për koalicionin qeveritar, ka bërë të ditur gjithashtu se pas largimit nga qeveria, angazhimi i tij do të vijojë në Parlament.

Më tej Prifti ka bërë një përmbledhje të arritjeve që ka arritur qeveria gjatë punës së tij, në vecanti tek ekonomia, që sipas tij i ka rezistuar me sukses krizës financiare globale.

“Ekonomia i ka rezistuar krizës globale, duke ndikuar në rritjen e standartit të jetesës së shqiptarëve. Janë në proces 40 koncesione të reja, privatizimet me vlerë monetare janë dyfishuar krahasuar me një vit më parë. Kemi garantuar furnizimin pa asnjë defekt të energjisë. Siguruam financimin për linjën me Malin e Zi dhe Kosovën. Janë rritur eksportet, në vecanti ato minerale. Transparenca, konkurrenca dhe drejtësia në dhënien e mineraleve ka qenë më transparenti i viteve të fundit. Gjithashtu, ndërmarrjet publike të shtetit kanë dalë me fitim, ndërkohë që përdorimi i energjisë dhe naftës ka arritur rekorde të paarritura më parë”, ka shtuar Prifti.

Në pozitën e nënkryetarit të LSI-së, ai ka nënvizuar se së shpejti do të zhvillojë bisedime me kryetarin Ilir Meta, për të vendosur për të ardhmen.

Presidenti Bamir Topi dhe kryeministri Sali Berisha, këto kohët e fundit kanë shfaqur pikëpamje të ndryshme për disa çështje të brendshme në vend, por kur flitet për Kosovën dhe marrëdhëniet me Kinën, dy krerët e shtetit shqiptar flasin me të njëjtën gjuhë.

Si presidenti Bamir Topi, i cili do të zhvillojë në shtator një vizitë në Kinë, edhe kryeministri Berisha, kanë shfrytëzuar takimet me delegacionin kinez për të ngritur çështjen e njohjes së shtetit te Kosovës. Autoritetet shqiptare kanë vlerësuar se Kina, e cila ende nuk e ka njohur Kosovën, si një nga pesë anëtaret e përhershëm të Keshillit të Sigurimit në Kombet e Bashkuara, mund të luajë një rol konstruktiv dhe përcaktues në të ardhmen.

Sipas Top Channel, pozicioni i Shqipërisë është se vendimi i Gjykatës Ndërkombëtare te Drejtësisë bëri të qartë se shpallja e pavarësisë së Kosovës ishte në përputhje të plotë me të drejtën ndërkombëtare dhe rezolutën 1244 të Këshillit te Sigurimit dhe se rasti i saj është unik.

Me këtë qëndrim, duke theksuar se njohja e Kosovës i shërben paqes dhe stabilitetit në rajon, presidenti dhe kryeministri i Shqipërisë do të shkojnë pas dy javësh në Neë York, në Asamblenë e Përgjithshme të Kombeve të Bashkuara, ku në rendin e ditës, një nga pikat është edhe rezoluta serbe për Kosovën.

7Nën drejtimin e kryeministrit Sali Berisha u zhvillua sot, mbledhja e radhës e Këshillit të Ministrave, gjatë së cilës Kryeministri u ndal në buxhetin e vitit 2011.

Kryeministri Berisha, kërkoi nga ministritë, që krahas hartimit të buxhetit, në përputhje me strategjitë sektoriale të miratuara, të bëhet riorientimi mëtejshëm i resurseve buxhetore drejt industrisë turistike dhe turizmit.

“Turizmi është bërë me një shpejtësi maramendesë, një ndër degët më kryesore të kësaj ekonomie dhe kjo brenda një kohe shumë të shkurtër. Këtë vit rritja e vizitorëve krahasuar me vitin 2004 mund të arrijë në 12 herë. Ky do të jetë viti i parë, në historinë e këtij vendi, që Shqipëria ka pritur më shumë vizitorë, se çka banorë brenda saj.

Ky është një lajm jashtëzakonisht pozitiv. Por, përpjekjet e bëra sigurisht kanë qenë të shumta. Investime masive janë adresuar në zonat turistike nga Velipoja deri në Ksamil. Këto investime ne tërësi në infrastrukturë tejkalojnë 1 miliard euro”.

Duke e vlerësuar zhvillimin e turizmit këtë vit si një burim shumë të rëndësishëm të ardhurash për ekonominë, Kryeministri u shpreh se ky fenomen jashtëzakonisht pozitiv duhet të ridimensionojë tërësisht qëndrimin e agjencive përkatëse dhe ministrive për një rritje të mëtejshme të tij.

Në këtë kontekst, kryeministri kërkoi që në buxhetin e viti 2011 të parashikohet përfundimi i të gjitha impianteve të përpunimit të ujrave, të cilat janë në ndërtim e sipër, në të gjitha zonat turistike.

Gjithashtu për sa i përket infrastrukturës, Kryeministri kërkoi të parashikohen të gjitha resurset për kompletimin përfundimtar të saj, jo vetëm drejt zonave turistike, por gjithashtu drejt parqeve arkeologjike, zonave historike, në mënyrë që vizitorët t’i gjejnë sa më lehtë ato.

“Çdo vizitor i huaj që vjen në Shqipëri do të donte të kishte mundësi të vizitonte Beratin , Butrintin, Gjirokastrën, pasi këto janë vende tashmë të njohura, për pasurinë e tyre në fondin botëror të kulturës. Në këtë kontekst, duhet të ecim përpara me rrugët, në mënyrë ky fluks I madh vizitorësh ti gjejë dhe ti arrijë sa më lehtë këto vende.”

Në fjalën e tij, kryeministri Berisha u shpreh:

“Sot rendi i ditës ka një seri çështjesh, por unë dua të ndalem në një çështje kryesore, një detyrim madhor i cili është buxheti i vitit 2011. Ju sigurisht që keni strategjitë e sektorëve, të cilave duhet ti përmbaheni në hartimin e buxhetit.

Pra buxhetin duhet ta hartoni në përputhje me strategjitë që ju keni miratuar, por kërkesa ime shumë e veçantë eshtë riorientimi i mëtejshëm i resurseve buxhetore drejt industrisë së turistike dhe turizmit.

Turizmi është bërë me një shpejtësi marramendesë, një ndër degët më kryesore të kësaj ekonomie dhe kjo brenda një kohe shumë të shkurtër. Këtë vit, rritja e vizitorëve krahasuar me vitin 2004 mund të arrijë në 12 herë. Ky do të jetë viti i parë në historinë e këtij vendi, që Shqipëria ka pritur më shumë vizitorë se çka banorë brenda saj.

Ky është një lajm jashtëzakonisht pozitiv. Por përpjekjet e bëra sigurisht kanë qenë të shumta. Investime masive janë adresuar në zonat turistike nga Velipoja deri në Ksamil. Këto investime ne tërësi në infrastrukturë tejkalojnë 1 miliard euro. Megjithatë rritja është marramendëse çka do të thotë që secila ministri të investojë në fuqizimin dhe zhvillimin e kapacitetve turistike të vendit. Ky është një problem shumë kompleks.

Ky është një problem, i cili duhet ridimensionojë tërësisht qëndrimin e agjencive tona, ministrive tona, ndaj këtij fenomeni jashtëzakonisht pozitiv. Është një burim të ardhurash jashtëzakonisht pozitiv për ekonominë. Përpjekjet kanë qenë serioze dhe të mëdha, nga të gjitha agjencitë dhe institucionet dhe pse duhet të njohin rritje të shpejtë dhe konsolidim të madh.

Prandaj dhe në buxhetet tuaja duhet të parashikoni dhe përparësoni çdo problem që lidhet me turizmin. Duhet të përparësojë mjedisi, duhet të përparësojë shëndetësia, bujqësia. Duhet të përparësojë dhe ka përparësuar ministria e Punëve Publike, Ministria e brendshme, Ministria e Financave dhe të gjitha ministritë.

Këtë vit, Shqipëria pret më shumë vizitorë se cka banorë të përhershëm dhe unë ju garantoj që kjo rritje nuk do të ketë të ndalur. Kjo ka shumë faktorë. Së pari, imazhi që po krijojmë në tërësinë e vet është shumë pozitiv, me disa përjashtime sigurisht.

Por, një nga gjërat më të vlerësuara janë dhe çmimet e arsyeshme që kanë vendosur pronarët e hoteleve, apartamenteve dhe me këtë i japin një kontribut të madh vendit, pasi kanë bërë që qytetet tona të mbushen me vizitorë. Këtu ka ndikuar edhe ushqimi shumë I shijshëm.

Në një udhëtim që ka bërë në Perandorinë otomane, Andrè Zhid (Gide) shkruajti për vendin tonë: “aty gjeta dy gjera më impresionuese, njëra ishte ushqimi i shijshëm dhe tjetra ishin burrat e bukur.” Kur e lexova për herë të parë, shumë e shumë vite me parë, mendova se shqiptarët nga fanatizmi nuk i kishin nxjerrë gratë, kur u thellova me tej zbulova se ai kishte qenë gej.

Le të përpiqemi, pra që në këtë buxhet zërat për turizmin ti fuqizojmë sa më shumë. Në këtë buxhet të parashikojmë përfundimin e të gjitha impianteve të përpunimit të ujrave, të cilat fatmirësisht janë në ndërtim e sipër, në të gjitha qendrat e mëdha turistike të vendit.

Në këtë buxhet të parashikojmë të gjitha resurset për kompletimin përfundimtar të infrastrukturës, jo vetëm drejt zonave turistike, por gjithashtu edhe drejt parqeve arkeologjike, drejt zonave historike, në mënyrë që ky fluks i madh vizitorësh ti gjejë sa më lehtë ato. Në këtë kontekst, një porosi të veçantë kam për Beratin. Boshti i Jugut po vazhdon, por dhe segmenti Lushnje- Berat duhet të jetë përparësi madhore e muajve që vijnë sepse Berati është në hartën e trashëgimive kulturore botërore.

Çdo vizitor i huaj që vjen në Shqipëri do të donte të kishte mundësi të vizitonte Beratin, Butrintin, Gjirokastrën pasi këto janë vende tashmë të njohura për pasurinë e tyre, në fondin botëror të kulturës. Kështu që duhet të përparësojmë. Duhet të përparësojmë edhe për atë rrugë, ndërkohë që punimet duhet të vazhdojnë për boshtin e Jugut.

Edhe njëherë dua të falënderoj të gjitha ata që janë angazhuar me një mikpritje të shkëlqyer ndaj të ardhurve dhe ti garantoj se do të bëjmë çdo gjë për ta përmirësuar edhe më tej situatën.

Dua të theksoj edhe njëherë se nga data 18 qershor deri në datën 16 gusht tuneli I Kalimashit është kaluar nga 518 mijë automjete, në një hark kohor dy mujor, pra një efekt pothuaj magjik, pasi magjia nuk qëndron vetëm në mistere. Ajo qëndron edhe në gjëra jo misterioze”.

Të dielën, në qytetin e Durrësit, do të mbahet një takim midis kryeministrit të Republikës së Shqipërisë z. Sali Berisha dhe kryeministrit të Republikës së Kosovës Hashim Thaçi.

Temë bosht e takimit do të jetë diskutimi i çështjeve me interes të ndërsjellë ndërshtetëror si dhe proceset e integrimeve euroatlantike të të dy vendeve, me theks të veçantë në shkëmbimin e përvojave në procesin e stabilizim asociimit, liberalizimit të vizave dhe menaxhimin e integruar të kufinjve.

Në takim do të marrin pjesë edhe ministrat përkatës të punëve të brendshme dhe të integrimeve evropiane të Qeverisë së Republikës së Shqipërisë dhe të Qeverisë së Republikës së Kosovës.

Apeli i diplomacisë europiane për krizën shqiptare paralajmëron zgjidhjen e shpejtë dhe të detyruar të saj.

Deklaratat e emetuara nga takimi i djeshëm në Luksemburg janë vetëm një pjesë e dukshme e mekanizmit që është vënë në lëvizje, me synim dhënien fund të situatës absurde ku vijon të mbahet vendi prej muajsh.

Burime nga Partia Socialiste bënë të ditur për gazetën “Shqip”, se brenda javës, mundësisht rreth së mërkurës ose së enjtes, dy përfaqësuesit më të lartë të politikës shqiptare, Kryeministri Sali Berisha dhe kreu i opozitës, Edi Rama, do të udhëtojnë në Bruksel për të arritur atë marrëveshje të pamundur deri më tani, përmes negociatave apo dialogut të zhvilluar në Tiranë.

Ndërmjetësimi i huaj është rishfaqur kështu si e vetmja rrugë për kompromis, i cili vërtitet ende në debatet teknike të propozimeve respektive.

Edhe për këtë çështje, duket se është menduar nga zyrtarët e BE, pasi sikurse bëhet e ditur, takimi mes Berishës dhe Ramës do të ketë si bazë diskutimi një draft final të përpunuar nga ekspertët europianë dhe që ka mbërritur dje në Tiranë në rrugë elektronike.

Ky komunikim ka zëvendësuar praninë e ekspertit europian në Shqipëri, që pritej zyrtarisht të mbërrinte dje.

Kryeministri Sali Berisha premton nga Korca rritjen e pagave dhe pensioneve në korrik.

Duke folur për situatën politike, Berisha deklaroi se Rama nuk e pengon dot integrimin e Shqipërisë, ndërsa sipas tij pinjollët e bllokut shpifin e trillojnë për rrugën evropiane të Shqipërisë.