Në përvjetorin e dytë të Pavarësisë së Kosovës, kompania IPKO ka kontribuar me rreth 12 mijë euro për shëndetin dhe mirëqenien e foshnjave të porsalindura në Kosovë.

Të hyrat e mbledhura më 17 shkurt, kompania IPKO do t’i jap për Fondacionin për Nëna dhe Foshnja të Shëndetshme, i cili vazhdimisht është duke grumbulluar fonde për blerjen e sistemit të ri të oksigjenit në Njësinë Intensive të Neonatologjisë, në Qendrën Klinike Universitare të Kosovës.

Sistemi i ri i oksigjenit i cili do të instalohet nga kompania Dräger Medical, është më se i nevojshëm për t’i mbrojtur foshnjat në Njësinë Intensive të Neonatologjisë, ndërsa do t’i zvogëlojë edhe komplikimet tjera shëndetësore me të cilat ballafaqohen foshnjat e porsalindura, e posaçërisht ato që lindin para kohe.

Nga qindra mija SMS të dërguar më 17 shkurt, kompania IPKO ka grumbulluar saktësisht 11,924.22 euro, ndërsa të gjitha të hyrat e mbledhura në këtë ditë, IPKO do t’i jap për të mbrojtur jetët foshnjave të porsalindura në vend.

Gjatë njëzet e katër orëve të 17 shkurtit, Ditës së Pavarësisë së Republikës së Kosovës, konsumatorët e telefonisë mobile IPKO kanë dërguar afër gjysmë milioni SMS, nga pako të ndryshme të cilat ata përdorin, duke përfshirë edhe konsumatorët e shërbimit roaming.

Tash e sa vite, kompania IPKO është e përfshirë në projekte të përgjegjësisë sociale, të cilat në vazhdimësi e rrisin kontributin e saj në zhvillimin e kulturës, artit, sportit, rinisë dhe aktivitete humanitare në Kosovë. /ipko/

Kompania telekomunikuese IPKO i është  bashkëngjitur iniciativës humane të TopMedias dhe operatorëve mobil në Shqipëri, për t’i dal në ndihmë familjeve shkodrane të cilat janë vërshuar nga ujërat.

Të gjithë përdoruesit e telefonisë mobile IPKO tani kanë mundësinë për të kontribuar së paku me 1 euro, për familjet e përmbytura nga uji i cili e ka kapluar qytetin dhe rrethinën e Shkodrës.

Telefonia mobile IPKO ka krijuar kod identik me atë të operatorëve mobil në Shqipëri për të lehtësuar mënyrën e dërgimit të SMS-ëve, në  numrin i cili tashmë është bërë i njohur në Shqipëri.

Kodi i shkurtë për dërgimin e një SMS-i nga Kosova është 56666 me tekst “ndihma ime” dhe çdo përdorues i telefonisë mobile IPKO do të ngarkohet me 1 euro, për dërgimin e një SMS-i.

Sikur të gjithë qytetarët e Kosovës, edhe ne jemi të përkushtuar që t’i dalim në ndihmë të qytetarëve të Shkodrës, të cilët janë prekur rëndë nga kjo fatkeqësi” deklaroi Shpend Jakupi, Drejtor Komercial në kompaninë telekomunikuese IPKO.

Përgatitjet ekompanisë IPKO për ndihmë ndaj qytetarëve të Shkodrës kanë filluar menjëherë pas promovimit të numrit 56666 në mediat shqiptare, ndërsa është synuar që forma e ndihmës të jetë identike me atë të cilën po e aplikojnë operatorët mobil në Shqipëri.

Kompania telekomunikuese IPKO është  duke shqyrtuar mundësi të tjera të rritjes së kontributit të saj për banorët e dëmtuar, duke bashkëpunuar edhe me partnerët e saj strategjik në Shqipëri, kompanitë shqiptare: DigitAlb, SuperSport dhe kompaninë simotër, Primo.

Telefonia mobile IPKO i bën thirrje të gjithë konsumatorëve të saj, të dërgojnë  SMS në numrin 56666 me tekst “ndihma ime”, për t’i dal në ndihmë qytetarëve shqiptar të cilët kanë pësuar dëme të shumta nga vërshimet e ujit.