Liderët e Bashkimit Evropian, të cilët u takuan në Bruksel, thuhet se kanë bërë pak progres rreth pajtimit mbi një strategji për zgjidhjen e krizës së borxheve në Eurozonë. Presidenti francez, Nikolas Sarkozi, hoqi dorë nga dëshira e përdorimit të fondeve të pakufizuara të Bankës Qendrore Evropiane për të luftuar krizën.

Greqia duhet të qëndrojë në Eurozonë. Kështu ka ripërsëritur qëndrimin e saj kancelarja gjermane, Angela Merkel, në konferencën për shtyp në Bruksel. Ajo ka shtuar se vendit duhet t’i jepet mundësia për përmirësimin e financave të veta. Greqia duhet të qëndrojë në Euro dhe duhet t’i jepet oportuniteti të përmirësojë situatën e saj.

Eurozona është duke bërë plane për të rritur vlerën e fondit të saj të shpëtimit. Lajmin e ka konfirmuar komisionari i Bashkimit Evropian për financa, Olli Ren, i cili këto komente i ka bërë për gazetën gjermane “Die Welt”.

Zyra evropiane e statistikave ”Eurostat” ka publikuar të dhëna sipas të cilave, përqindja e papunësisë në Eurozonë ka qenë e qëndrueshme gjatë muajit qershor me 10 për qind të popullsisë aktive. Ky është muaji i katërt radhazi, që papunësia është në nivelin e 10 për qind, më i larti që prej krijimit të zonës euro [...]