Presidenti i SHBA-së Barack Obama ka kërkuar nga vendet e eurozonës më shumë angazhim në luftën kundër krizës së borxheve.

Për sa kohë që kriza nuk është zgjidhur, ekonomia botërore do të dobësohet edhe më tej, paralajmëroi Obama në një intervistë në Shtëpinë e Bardhë me korrespondentët.

Në thelb duhet tani që unioni monetar përmes një politike të koordinuar fiskale të plotësohet, tha presidenti më tej.

Greqia është aktualisht fëmija (vendi) me probleme më të mëdha. Por probleme të mëdha janë edhe Spanja dhe Italia në qoftë se këto dy vende të mëdha sfidojnë tregjet, ishte vlerësimi i Obamës. Kjo ishte hera e parë që presidenti u shpreh  i shqetësuar për krizën e euros prej disa muajsh.

Në emër të popullit amerikan, ju shpreh juve dhe të gjithë qytetarëve shqiptarë urimet e mia më të mira me rastin e 28 Nëntorit, Ditës suaj të Pavarësisë- shkruan në një mesazh urimi të presidenti amerikan Barack Obama, drejtuar homologut të tij shqiptar, Bamir Topi.

Duke uruar festën e Pavarësisë për gjithë shqiptarët, Obama vlerëson se dy vendet do të vazhdojnë të punojnë së bashku për përparimin e qëllimeve të përbashkëta në Evropë dhe më gjerë, “që nga ruajtja e qëndrueshmërisë në Ballkan e deri te ndërtimi i një të ardhmeje më të mirë në Afganistan.

“Unë jam i bindur se lidhjet e qëndrueshme mes dy popujve tanë do të forcohen dhe thellohen gjatë viteve të ardhshme”, thuhet në mesazh.

Sipas agjencisë së lajmeve NOA, një vend të veçantë në telegramin e tij, Obama ia ka kushtuar dhe procesit të integrimit në Bashkimin Evropian duke shprehur inkurajimin për të ecur më përpara.

Presidenti amerikan Barack Obama ka marrë përgjegjësinë për disfatën e rëndë të Partisë Demokratike në zgjedhjet për Kongresin. Pakënaqësia e qytetarëve për gjendjen e keqe ekonomike ndihmoi republikanët të fitonin, tha Obama në një konferencë shtypi në Shtëpinë e Bardhë.

Obama tha se për këtë arsye ai do të përqendrohet plotësisht tek ekonomia dhe krijimi i vendeve të punës. Presidenti u ofroi bashkëpunim të ngushtë republikanëve.

“Siç kam thënë më parë asnjë njeri, asnjë parti nuk ka monopolin e mençurisë. Ja përse unë jam i gatshëm të dëgjoj ide të mira ngado që të vijnë. Ja përse unë besoj se është e rëndësishme të kemi një debat të ndershëm dhe civil për zgjedhjet që duhet të bëjmë. Për këtë arsye unë dëshiroj të angazhoj demokratët dhe republikanët në bisedime serioze për rrugën që do të ndjekë kombi në të ardhmen”, citohet të ketë thënë Obama.

Politikani republikan John Boehner i bëri thirrje Obamës të ndërmarrë një ndryshim thelbësor kursi dhe theksoi objektivin e partisë së tij, për të prapësuar reformën në shëndetësi të presidentit. Me marrjen e të paktën 60 vendeve shtesë, republikanët në të ardhmen do të kenë shumicën në Kongres dhe mund të bllokojnë projektet e qeverisë.

Në Senat, dhomën e dytë të Kongresit, demokratët arritën të mbronin shumicën me rezultat të ngushtë.

Presidenti i Republikës së Kosovës, dr. Fatmir Sejdiu u takua dje me presidentin e Shteteve të Bashkuara të Amerikës, Barack Obama, njoftoi sot Departamenti i informacionit dhe komunikimit me publikun i Presidencës.

Gjatë takimit, Presidenti Sejdiu e falënderoi Presidentin Obama për përkrahjen e vazhdueshme që SHBA i kanë dhënë dhe po vazhdojnë t’i japin Republikës së Kosovës.

Nga ana e tij, Presidenti Obama ritheksoi përkushtimin e SHBA ndaj Kosovës. “Do të jemi me ju, do t’ju përkrahim në vazhdimësi”, theksoi Presidenti Obama gjatë takimit të shkurtër me Presidentin Sejdiu.

Në pritjen e organizuar nga Presidenti Obama, Presidenti Sejdiu zhvilloi
takime me një numër të madh burrështetasish nga shtete të ndryshme anekënd
globit.

Një tinejxher britanik ia dërgoi një e-mail presidentit amerikan Barack Obama të cilin e quan me disa emra fyes, ndërsa si pasojë e këtij hapi të pamatur atij i është ndaluar hyrja në Shtetet e bashkuara të Amerikës.

Tabloidi britanik “The Sun” shkruan se shërbimi sekret amerikan FBI kërkoi nga policia lokale në qytetin Bedford të pjesës qendrore të Anglisë të dhënat për studentin Luke Angel (17 vjeç), fyerjet e të cilit dërguar presidentit kanë qenë të “papranueshme”.

Angel u mbrojt duke thënë se ka qenë i dehur derisa po shikonte një emision për sulmet e 11 shtatorit 2001 në SHBA.

“Kjo është budallallëk tinejxherësh dhe kur e teproni pak me pije”, deklaroi Angel. I riu mendon se reagimi i FBI-së ka qenë “tepër ekstrem”. “Policia erdhi më fotografoi dhe më njoftuan se më është ndaluar hyrja në SHBA përjetë. Unë nuk mërzitem fort, por prindërit e mi janë shumë të pikëlluar me këtë”, tha tinejxheri. Zëdhënësi i policisë në Bedford pohoi këtë njoftim dhe shtoi se kundër Angelit nuk do të ngrihet padi.

Barack Obama është presidenti i dytë i Shteteve të Bashkuara të Amerikës që deklaron fundin e luftës në Irak. George Bush e bëri këtë më 1 maj të vitit 2003, ndërsa Obama të martën mbrëma nga Zyra Ovale.

Presidenti komunikoi fundin e misionit të luftimeve amerikanë në Irak. “Pasi paguam një cmim të madh, tani duhet të kthejmë faqen e historisë dhe të lëmë irakianët që marrin tërësisht në dorë situatën e sigurisë”, tha Obama.

Gjatë fjalimit të shumëpritur, Obama nuk foli për fitore ushtarake, por e cilësoi si një moment historik fundin e luftës.

“Sot njoftoj se misioni i luftimeve në Irak ka përfunduar. Operacioni ‘Liria e Irakut’ u përmbyll dhe irakianët janë përgjegjës për sigurinë e vendit të tyre”, tha Obama.

Kreu amerikan theksoi se janë tërhequr 100 mijë ushtarë amerikanë nga Iraku dhe janë mbyllur qindra baza, ndërsa shumë prej tyre iu janë transferuar irakianëve.

Jemi të kënaqur që konstatojmë se pas shumë muajsh, beteja e gjatë ka arritur në fund.

Me këto fjalë presidenti amerikan Barack Obama ka komentuar lajmin e “BP” për mbylljen e pusit të naftës.

Pusi në fjalë konsiderohej si shkaku i përhapjes së baticës së zezë në Gjirin e Meksikës.

Presidenti amerikan është shprehur i kënaqur edhe për raportin e National Ocean Atmospheric Administration, që ka vlerësuar se pjesa më e madhe e naftës së derdhur në oqean është rekuperuar.

Barack Obama e ka quajtur terrorizmin bërthamor si rrezikun më të madh për sigurinë kombëtare. Në qoftë se armët bërthamore bien në duart e terroristëve të Al Qaidës, ata nuk do të hezitojnë t’i përdorin këto armë, deklaroi Obama në prag të samitit për sigurinë bërthamore.

Në këtë konferencë, e cila mbahet të hënën dhe të martën, janë ftuar presidentët dhe kryeministrat e 47 vendeve, ndër të cilët është edhe kancelarja gjermane Angela Merkel.

Në qendër të vëmendjes në takimin dyditor do të jetë parandalimi i përhapjes së armëve bërthamore dhe sigurimi i materialeve nukleare ushtarake dhe civile.

Lidhur me këtë qëllim, presidenti amerikan Obama deklaroi: “Fatkeqësisht kemi një situatë kur në mbarë botën po humbasin sasi të mëdha materialesh bërthamore. Prandaj objektivi qendror i këtij samiti është vendosja e bashkësisë ndërkombëtare në rrugën e reduktimit të materialit nuklear, në një kornizë të caktuar kohore dhe me një plan specifik”. /DW/

Presidenti amerikan Barack Obama dhe ai rus Dmitri Medvedev nënshkruan sot në Pragë, Traktatin për reduktimin e armëve bërthamore.

Presidentët nënshkruan një sërë dokumentash dhe më pas shtrënguan duart me njëri-tjetrin.Obama e quajti traktatin si paktin më të rëndësishëm gjithëpërfshirës të dy dekadave të fundit.

Traktati i ri i Start 2 i angazhon të dyja palët që të zvogëlojnë arsenalin e tyre te armëve me 30 për qind në 7 vitet e ardhshme.Presidenti Obama kthehet në Pragë, një vit pasi ai shprehu shpresën për një botë pa armë bërthamore.

Të dy presidentët janë duke theksuar rëndësinë që ka puna që ata do të bëjnë në Pragë.Ata kështu japin kontributin e cmuar në reduktimin më të rëndësishëm të armëve bërthamore në 20 vjet.

Presidenti Fatmir Sejdiu i dërgoi një telegram urimi Presidentit të Shteteve të Bashkuara të Amerikës, Barack Obama, me rastin e Ditës së Presidentit.

“Në emër të popullit dhe të institucioneve të Republikës së Kosovës, si dhe në emrin tim personal, ju shpreh urimet më të përzemërta me rastin e Ditës së Presidentit të SHBA’ve.

Në vendin tim, në Kosovë, përkushtimi Juaj për një botë të lirë, në të cilën popujt do të jetonin të lirë dhe në paqe me njëri-tjetrin ndiqet me admirim të veçantë.

Për ne, Shtetet e Bashkuara të Amerikës kanë qenë gjithmonë një vend model, nga i cili jemi frymëzuar në udhën tonë të gjatë për liri, pavarësi dhe demokraci.

Ndërkaq, figurën e Presidentit të SHBA’ve e kemi çmuar përherë si simbolin më të lartë frymës së lirisë dhe demokracisë në botë”, thuhet në telegramin e Sejdiut.

Ministri i Punëve të Jashtme i Republikës së Kosovës, Skender Hyseni ka udhëtuar sot për në Uashington, ku do të marrë pjesë në ngjarjen tradicionale të Lutjes së mëngjesit, që kryesohet nga Presidenti i SHBA-ve, Barack Obama.

Gjatë qëndrimit 3- ditor në Uashington D. C, përpos pjesëmarrjes në Lutjen e mëngjesit, ministri Hyseni do të zhvillojë edhe aktivitete të shumta. Në kuadër të këtyre aktiviteteve, ministri Hyseni do të ketë takime me zyrtarë të vendeve të ndryshme që marrin pjesë në këtë ngjarje të madhe tradicionale.
Po ashtu, ministri Hyseni do të ketë takime me autoritete amerikane të nivelit të lartë. Ndërkohë, vizita 3-ditore e ministrit Hyseni në Uashington fillon të martën, në orën 11.00 (sipas orës lokale) me një ligjëratë që ai do të mbajë në Universitetin e njohur amerikan “John Hopkins University”.

Perfaqesuesi ligjor i Shtepise se Bardhe, Gregory Craig, ka dhene sot doreheqjen qe do te hyje ne fuqi me 3 janar te vitit te ardhshem.

Lajmin e ka bere te ditur zyrtarisht Shtepia e Bardhe, duke konfirmuar njoftimet e mediave amerikane.

Craig do te zevendesohet nga Bob Bauer, nje jurist prane Partise Demokratike qe ka perfaqesuar prej vitesh interesat e presidentit Barack Obama.

Kemi te bejme me eksponentin me te larte te administrates Obama qe ka dhene doreheqjen deri tani.