moghimi20101221165129250

Serbia ta kuptojë se Kosova është e pavarur

Lideri i partisë në pushtet në Mal të Zi, DPS, Milo Djukanovic ka vlerësuar se një nga problemet në Ballkan është Serbia për shkak të Kosovës, duke shtuar se ky problem mund të zgjidhet nëse Serbia e kupton se Kosova është e pavarur.

Duke folur në një konferencë ndërkombëtare për të ardhmen e Ballkanit, në Beçiq afër Budvës dhe ku po mori pjesë edhe ish-presidenti amerikan, Bill Clinton, Djukanovic ka thënë se për zgjidhjen e problemit ndërmjet Serbisë e Kosovës duhet ndihmuar në atë mënyrë që Beogradi ta kuptojë se është i pamundshëm korrigjimi i kufijve dhe se Kosova është e pavarur.

Djukanoci ka thënë se Serbia duhet të fokusohet në të ardhmen e vet, e ajo është perspektiva evropiane e saj, raportoi Tanjug.

”Nëse jo lokomotivë, Serbia duhet të jetë diku në fillim të kompozicionit të trenit. Nëse gjendet në fund të kompozicionit, siç është tash, kjo ngadalëson… Është me rëndësi që Serbia t’i kthehet të ardhmes së saj, ndërsa Kosova të fokusohet në pavarësinë e saj, në funksionimin e institucioneve, vendosjen e sundimit të ligjit, respektimin e të drejtave të njeriut dhe të pakicave”, ka thënë Djukanovic.