Qeveria “shkel rëndë” Ligjin për buxhetin

Në kohën kur po e proklamon rritjen e pagave për shumë kategori, Qeveria ka kërcënuar të gjitha organizatat buxhetore se do t’ua shkurtojë shpenzimet në mallra e shërbime, si dhe në komunale, shkruan sot “Koha Ditore”.

Nga ky veprim synon të sigurojë mbi 37 milionë euro. Kërcënimit i ka paraprirë një vendim. Ministri Besim Beqaj nuk ka pritur shumë dhe të gjitha organizatat buxhetore i ka informuar për përmbajtjen e vendimit. Madje, edhe i ka kërcënuar se njëanshëm do të mund t’u ndalen mjetet.

Kuvendi e ka kualifikuar dokumentin si të jashtëligjshëm dhe veprimin e Qeverisë si “shkelje të rëndë”. Kjo për shkakun që çfarëdo ndryshimi në buxhet duhet bërë vetëm nga Legjislativ./koha/