PDK-ja, mes reformimit dhe udhëheqjes autokrate

PDK-ja, mes reformimit dhe udhëheqjes autokrate

Zgjedhjet e brendshme në Partinë Demokratike të Kosovës pritet të shënojnë fundin e udhëheqjes autokrate të liderit të saj, Hashim Thaçi, shkruan sot Koha Ditore.

Sipas gazetës, në partinë që aktualisht qeveris vendin janë duke u shtuar zërat për kthim të vendimmarrjes në organin drejtues të saj, si në kohën kur PDK-ja ishte në opozitë.

Por, me gjithë fërkimet mes strukturave partiake, të cilat mund të vazhdojnë të rriten gjatë ditëve në vazhdim, analistët politikë nuk presin që kjo parti të ndahet, ashtu siç ka ndodhur me LDK-në, pas vdekjes së liderit të saj, Ibrahim Rugova.

Hulumtuesi i lartë në Institutin Kosovar për Hulumtim dhe Zhvillim të Politikave – KIPRED, Ardian Arifaj, ka bindjen se Hashim Thaçi do të dijë ta menaxhojë situatën dhe të paktën edhe për një kohë do ta evitojë ndarjen e partisë.PDK-ja, sipas tij, është partia e vetme e cila që nga fillimi nuk ka humbur zyrtarë të lartë, siç ka ndodhur me partitë e tjera.