Një person vritet në Mitrovicë

Një person vritet në Mitrovicë

Një person vritet në Mitrovicë Policia e Kosovës njofton se një person është vrarë të enjten në rajonin e Mitrovicës.

Viktima H.Hyseni, rreth 58 vjeç, sipas policisë, ka vdekur nga plagët e shkaktuara me armë zjarri, pas një sulmi të armatosur ndaj tij, diku pak para mesnatës, që ka ndodhur në ballkonin e shtëpisë ku viktima jetonte në rrugën “Dëshmorët e Kombit”.

“Hetuesit policor të drejtorisë rajonale të hetimeve në Mitrovicë së bashku me teknikët e kriminalistikës, nën udhëheqje të prokurorit publik, kanë bërë këqyrjen e vendit të ngjarjes dhe inicimin e procedurave të rastit të vrasjes së rëndë”, thuhet në njoftimin e Policisë së Kosovës.

Thuhet se së paku tri lokacione të ndryshme janë kontrolluar nga policia pak qaste pas rastit të vrasjes së raportuar ndërsa nuk është raportuar për persona të arrestuar.
Hetuesit policor janë duke punuar në identifikimin e rrethanave të plota të rastit dhe ndërtimit të motivit të mundshëm.