Maqedonia është përfshirë nga terri

Një pjesë e madhe e qyteteve është përfshirë nga terri, për shkak të masave të restriksioneve të ndërrmara nga Qeveria, e cila shpalli gjendjen e krizës energjetike në Maqedoni.

Me masat e reja, një pjesë e rrugëve plotësisht apo pjesërisht janë të shkyçura nga ekipet e EVN dhe Pushtetit Lokal, si dhe masat e tjera që urdhërojnë kompanitë të fikin reklamat ndriçuese.

Me masat e reja të miratuara në fillim të kësaj jave dhe që do të zgjasin deri më 29 shkurt, është urdhëruar restriksione të rrjetit, si shkyçja e reklamave të kompanive private dhe publike, ndriçimi i rrugëve, shesheve, vitrinave reklamuese, përmendoreve dhe objekteve tjera të ndriçimit.

Deri tani nuk ka restriksione për amvisëritë dhe banesat, por bëhet thirrje që qytetarët në mënyrë racionale të shfrytëzojnë energjinë elektrike. (INA)