Rusia do ta mbështesë kandidaturën e ministrit të Jashtëm serb, Vuk Jeremiq, për kryetar të Asamblesë së Përgjithshme të Kombeve të Bashkuara. “Jam i sigurt se kandidimi do të jetë i suksesshëm dhe se Jeremiqi do të zgjidhet”, ka thënë ambasadori i Rusisë në OKB, Vitali Çurkin.

Ambasadori i Iranit në Vatikan tha se Papa Benedikti XVI është i mirëpritur në Teheran. Ali Akbar Naseri u tha gazetarëve në Romë se “nëse Papa vendos të vijë, ne do ta presim atë në mënyrë të shkëlqyeshme dhe me entuziazëm”.

Ekspertët e shëndetit kanë paralajmëruar shfaqjen e një epidemie të gripit A në Norvegji, të cilën e shkakton lloji i ri i virusit, i njohur si H3N2. Në ditët e fundit ka shumë njerëz që ankohen për simptome të gripit, kanë thënë ekspertët e Institutit Shëndetësor të Norvegjisë.

Një nga temperaturat më të ulëta rekord u regjistrua në Kamchatka, Rusi.  Sipas matjeve të bëra nga meteorologët e këtij vendi është konstatuar se temperatura ka arritur në minus 55 gradë Celsius, ndërsa në pjesën më të madhe të Rusisë lindore, temperaturat sillen në mes të minus 25 dhe 46 gradë Celsius.

Liderët nga vendet nordike dhe baltike, së bashku me Britaninë, e fillojnë sot samitin në Suedi, që synon forcimin e lidhjeve dhe shkëmbimin e ideve për t’u marrë me sfidat e ardhshme evropiane. Megjithatë, analistët thonë se samiti më tepër është një mundësi e rëndësishme për formimin e një aleance të re brenda Bashkimit Evropian [...]

Ish senatori nga Pensilvania, Rik Santorum, doli fitues në votimet e republikanëve për nominim presidencial në shtetet Minesota dhe Kolorado. Ai doli i pari edhe në votimet preferenciale presidenciale jo obliguese në shtetin Misuri.Në Minesota, zoti Santorum fitoi 45% të votave, Ron Pol ishte i dyti me 27%, ndërsa Mit Romni, ishte i treti me [...]