jakup-krasinqi

Krasniqi ngushëlloi kryetarin e Republikës së Indonezisë

Ushtruesi i detyrës së presidentit të  Kosovës,  Jakup Krasniqi i dërgoi një telegram kryetarit të Republikës së Indonezisë, Susilo Bambang Yudhoyono, me anë të të cilit e ngushëlloi për humbjen e jetës së mbi 100 qytetarëve dhe dëmet e mëdha që shkaktoi tërmeti i fuqishëm që goditi këtë vend.

“Lajmi për këtë ngjarje të kobshme është përjetuar me pikëllim të thellë kudo në vendin tim, ndaj dua t’ju siguroj për solidaritetin e plotë të popullit dhe të institucioneve të Republikës së Kosovës me popullin Indonezian, me të gjitha familjet e goditura nga kjo fatkeqësi e tmerrshme”, shkruan në telegramin e tij Krasniqi.