kmdlnj-300x286

Komuna e Graçanicës shkel Ligjin për përdorimin e gjuhëve

Këshilli për Mbrojtjen e të Drejtave e të Lirive të Njeriut në Prishtinë ka reaguar publikisht lidhur me shkeljen e Ligjit për përdorimin e gjuhëve nga zyrtarët e komunës së Graçanicës.

Në zyra e KMDLNJ-së kanë ardhur qytetarë të komunës së Graçanicës, përkatësisht qytetarët e Lagjes “NIC “ të cilët janë ankuar se zyrtarët e kësaj komune u lëshojnë dokumente vetëm në gjuhën serbe (alfabeti cirilik ) edhe për qytetarët e komuniteteve jo-serbe. Banorët shqiptarë të kësaj lagjeje këtë e marrin si provokim.

KMDLNJ, me këtë rast konstaton se kjo është shkelje e hapur e Ligjit për përdorimin e gjuhëve, saktësisht shkelje e Ligjit Nr. 02/L-37, neni 7, 8 dhe 9 i Ligjit dhe Ligjin për Jodiskriminim, përkatësisht Ligji Nr. 2004/ 3.

Dihet se Ligji për përdorimin e gjuhëve, përveç se garanton të drejtën e përdorimin të gjuhës në të gjitha fushat e komunikimit me qytetarë dhe obligon strukturat komunale që të themelojnë njësi të veçanta përkthimi.

“KMDLNJ, konstaton se një diskriminim i tillë është i papranueshëm dhe me këtë i bënë thirrje Ministrisë së Pushtetit Lokal dhe Komisionit të Gjuhëve që të ndërmerr masa për ndërprerjen e kësaj dukurie diskriminuese.

E drejta për përdorimin dhe respektimin e gjuhës është e drejtë e garantuar jo vetëm me akte vendore por edhe ndërkombëtare”, thuhet në reagimin e KMDLNJ-së.

Ndër të tjera, KMDLNJ thërret për vëmendje që diskriminimi në përdorimin e gjuhëve të mos shndërrohet në dukuri institucionale.

 

  • Ferizaji

    ishalla ua marrin shpirtin shijet se hashim ………e ka ba decentralizimin ,e more vlla shkijet ishin kan patroata pernime se jo sikur ne vetem neper kenge shesim patriotizem leje qe na e moren mitrovicen tash kan nise me na u perzie edhe perbrenda ,ky eshte rezulltati i hashim ………
    kurgjo nuk kishim pas qene ne besoni mutat e kesaj bote ne kosovart kishim qene dhe ishim DURONI SHKIJET TASH.