Josipoviq refuzon takimin me Nikoliq

Presidenti i Kroacisë Ivo Josipoviq do të takohet e kryetarin e Serbisë Tomislav Nikoliq pasi që Nikoliq të dëshmojë qartë se ka ndryshuar qasjen e vet ndaj fqinjëve, thuhet në përgjigjen e kabinetit të Josipoviqit ndaj paralajmërimit se Nikoliq së shpejti do të takohet me Jospioviqin, transmeton “Blic”.

“Marrë parasysh politikën për të cilën kryetarin Nikoliq angazhohej në vitet e 90-ta dhe deklarata e tij bërë kohë më parë për Vukovarin e Srebrenicën, takimi i dy kryetarëve është i mundur pasi kryetari Nikoliq të dëshmojë qartë se ka e ka ndryshuar qasjen e vet ndaj shetetve fqinje”, thuhet në kumtesë.

Derisa presidenti kroat ka shprehur një qëndrim të tillë refuzues ndaj homologut serb, autoritetet shtetërore në Prishtinë së fundi nuk kanë refuzuar dhe hezituar për tu takuar me presidentin ultranacionalist serb.

Së fundi është paralajmëruar që në muajin tetor mund të ndodh takimi i parë midis presidentes së Kosovës, Atifete Jahjaga me presidentin serb Tomislav Nikoliq. (INA)