Ibra arrin marrëveshje me Milanin
Njoftimet më të reja nga Italia pohojnë se sulmuesi i Barcelonës, Zlatan Ibrahimovic, ka arritur marrëveshje me Milanin në lidhje me kërkesat personale të tij.
Gazetari i Mediaset, Carlo Pellegatti, ka bërë të ditur se Ibrahimovic dhe Milani kanë arritur marrëveshje dhe ka sqaruar natyrën e kontratës së suedezit.
“Milani dhe Ibra kanë arritur marrëveshje. Akordi mes tyre është arritur. Suedezi do të fitojë 6 milionë euro për sezon dhe pjesa tjetër e pagës do të mbulohet nga Barcelona. Zlatan është shumë i kënaqur që do t’i bashkohet Milanit dhe është i ngazëllyer që do luajë në Ligën e Kampionëve. Ky ishte faktor kyç për të”, theksoi Pellegatti.
Mediaset është një kompani italiane e themeluar nga pronari i Milanit, Silvio Berlusconi. Kompania e Kryeministrit italian, Fininvest, e ka nën kontrollMediasetin.
