Fletëvotimet për veri pa simbole të shtetit

Fletëvotimet për veri pa simbole të shtetit

 Fletëvotimet për veri pa simbole të shtetitSerbët e veriut ende nuk janë bindur që të marrin pjesë në zgjedhjet lokale të 3 nëntorit me gjithë thirrjet e shumta nga ndërkombëtarë por edhe nga zyrtarët më të lartë shtetëror në Beograd.

Pavarësisht kësaj situate ata po përkujdesen që para marrjes së ndonjë vendimi të sigurohen se ky proces nuk do të nënkuptojë ndonjë prezencë të shtetit të Kosovës atje, shkruan “Tribuna”.

Për këtë shkak ata kanë kërkuar që procesi si i tillë të përmbahet nga statusi dhe të gjykohet si neutral. Kërkesa e fundit e tyre ka qenë që fletëvotimet për këtë pjesë të dallojnë nga fletëvotimet nëpër komuna tjera të Kosovës.

Burime mirë të informuara brenda Qeverisë së Kosovës i kanë thënë gazetës se këto fletëvotime nuk do të përmbajnë simbole të shtetit të Kosovës, stemën apo hartën e shtetit.