Kim Kardashian prezanton në Londër parfumin e saj të ri i quajtur “True Reflection”.

Show girl-ja mbante veshur një fustan të kuq tepër të ngushtë, e cili i nxirrte në pah format trupore.

Porsche është pranë finalizimit të modelit Spyder 918. Porsche publikuar fotot e para zyrtare të prototipit.

Porsche 918 pohon se shpejtësia do të arrijë deri në 100 km / h në vetëm 2,8 sekonda, ndërsa shpejtësia më e lartë i tejkalon 325 km / h.

Konsumatorët për 918 Spyder do të duhet të paguajnë rreth 800.000 euro, ndërsa dërgesat e para priten në gjysmën e dytë të vitit të ardhshëm.

Irani ka kërcënuar motorin e kërkimit “Google” me ndjekje ligjore për heqjen e referencës së Gjirit Persik nga hartat e tij.

Zëdhënësi i Ministrisë së Jashtme të Iranit, Ramin Mehmanparast, deklaroi se nëse “Google” nuk do të rikthejë këtë emërtimit në detin që e ndan atë nga Arabia Saudite, atëherë do të përballet me “pasoja serioze”.

Ai konfirmoi se Teherani zyrtar është vendosur ndërkohë në kontakt me “Google”, për ta informuar rreth qëndrimit të tij.

”Sulmi nëpërmjet teknologjive të reja kompiuterike në çështje politike me rëndësi për rajonin është “moda” e re e lëshuar nga miqtë e Iranit. Këtë herë, i ka takuar “Google” të shndërrohet në pjesë e lojës së kundërshtarëve tanë”, tha Mehmanparast.

Nga ana e tij, “Google”u përgjigj duke thënë se asnjëherë nuk e ka emërtuar Gjirin Persik, prandaj nuk mund të akuzohet për ndryshimin e emrit.

Irani është veçanërisht i ndjeshëm rreth mënyrës se si quhet ujrat përtej Ngushticës së Hormuzit.

Historikisht, ka ekzistuar emri Gjiri Persik, por shumë vende arabe kanë filluar ta quajnë Gjiri Arabik. Si pasardhësi direkt i Persisë së lashtë, Teherani e konsideron një ofendim për kulturën e tij emërtimin e ndryshëm.

Gazetarja “flak” tutje mikrofonin e braktis lidhjen direkte për të rimarrë çantën që tentuan t’i vjedhin.

Në ndeshjen mes Torinos dhe Sasuolos, ndeshje e vlefshme për Serinë B të kampionatit italian, gazetarja e Sky Giulia Mizzoni po kryente përgatitjet e fundit për të dalë në transmetim e për të njohur teleshikuesit me të rejat e një prej sfidave më interesante të kategorisë së dytë italiane.

Por, teksa po kryente përgatitjet finale, gazetarja sheh t’i vjedhin çantën para syve, e pa një pa dy nxiton ta rimarrë atë.

http://www.youtube.com/watch?v=M5OeP2RfWr8

Ne të gjithë e dimë se duhen pirë të paktën gjashtë gota në ditë, që trupi të jetë i hidratuar në masën normale. Por, kjo sasi mund të arrihet edhe duke ngrënë ushqime të ndryshme. Cilat janë ato?

Në të gjitha ushqimet që ju keni në tryezë, përveç arrave dhe vajit, fshihen përqindje të ujit, ku më të ulëta e ku më të larta. Por ndër frutat dhe perimet më hidratuese, përmenden luleshtrydhet, domatet, shalqiri, të cilat kanë më shumë ujë edhe se një gotë qumësht.

Por ato kanë edhe një avantazh më shumë, pasi përmbajnë vitamina, minerale dhe fibra që e mbajnë ujin në trup dhe pengojnë heqjen e tij të menjëhershme përmes veshkave.

Nga ana tjetër, ajo që nuk dihet ende nga të gjithë është fakti se në vezë, fshihet gjithashtu një sasi e paimagjinueshme uji.
Mjaftojnë përshembull dy vezë , që të mund të përfitojmë sasinë e ujit që përmban një gotë qumështi.
Dhe në fund: një supë me perime të përziera (me përjashtim të patateve dhe bishtajoreve), përmban ujë, njësoj sikur të pinin 3 gota të mbushura me të.

Humbja e vetëdijes mund të cojë në shumë sëmundje dhe gjendje nga të cilat disa janë shtegdalje (p.sh. rënia kalimtare e tensionit) e disa shumë të rënda (psh. ndalja e punës së zemrës).

Thellësia e humbjes së vetëdijes mund të jetë e ndryshme dhe mund të ndryshoj të i njëjti pacient.

Mr.sc.dr. Isuf Bajrami
spec. i mjekësisë emergjente

Si ta konstatoni se a është personi pa vetëdije?
Nëse hasni në personin i cli nuk lëviz është i shtrirë ose në pranin tuaj papritmas është shtrirë në tokë, lehtas e tronditni në krah ose drejtoni disa pyetje, psh: “Çka ka ndodhur? A po më dëgjon? Si quheni?”.

Te humbjet sipërfaqësore, të i pavetëdijshmi mund të lëvizë disa pjesë të trupit ose të vjell. Nëse nuk ka kurrfarë reaksioni, atëherë personi është në gjendje të humbjes së thellë të vetëdijes (koma).

Veprimet
* Thirrni mjekun për ndihmë, nëse është e mundur, sa më shpejtë pa humbur kohë.
* Kontrolloni frymëmarrjen dhe qarkullimin dhe sipas nevojës filloni me veprimet e ringjalljes.
* Nëse i pavetëdijshmi merr frymë, kthejeni në pozitë të krahut. Herë-herë kontrolloni frymëmarrjen.
* Mbuloje të pavetëdijshmin që të evitoni mërdhirjen.
* I pavetëdijshmi guxon të transportohet vetëm në pozitë të shtrirë (në krah) .
MOS tentoni të pavetëdijshmit t’i jepni ushqim ose pije.
MOS e leni të pavetëdijshmin pa mbikëqyrje.

Pacienti pa vetëdije

Të pyetet dëshmitari:
1. A mund të bëhet fjalë për helmim
2. A është lënduar më herët
3. A është pacient kronik

Simptomat dhe ekzaminimet
1. era (si e acetonit, alkoolit, dheut të lagësht, urinës)
2. lagështia e lëkurës
3. shenjat e lëndimit (njolla elektrike, gjakderdhja, gjurmët e injeksioneve)
4. tonusi i muskujve (hemipareza, hemiplegjia)
5. përgjigja ndaj ngacmimeve të dhembjes-shpimi (hemipareza, hemiplegjia)
6. shenjat meningjeale
7. frymëmarrja
8. bebëza e syrit (shikimi në drejtim të lëndimit: ICV; mioza: morfina, gjakderdjet ne pons; midriaza: atropin)
9. pulsi, TA, (kriza hipertenzive, shoku)
10. abdomeni (prania e defanses)
11. Babinski dhe reflekset tjera: reaksioni ndaj dhembjes
12. gjaku të ekzaminohet me traken – Glukohemotest

Pozita e dëshirueshme: pozita e të pavetëdijshmit (pozita në krah)
Ndihma urgjente mjekësore:
1. infuzioni 500mL tretje infuzive 1 gtt/sek
2. terapia simptomatike, kontrolli i funksioneve vitale
3. terapia e diferencuar, nëse dihet shkaktari

Tretmani i mëtutjeshëm
Derisa jeni duke pritur autoambulancën regjistroni shenjat vitale.
Shikoni për shenja të traumës me ç’rast duhet të keni kujdes të mos keqësoni lëndimin e medullës spinale.
Transporti urgjent me përcjellës i cili i zotëron shkathtësitë e reanimimit.
Gjatë transportit të keni kujdes për funksionet vitale: frymëmarrjen dhe punën e zemrës (mjeku ose infermierja).

Zjarrmia (temperatura e lartë)
Zjarrmia është temperatura e lartë e shkaktuar nga sëmundja, më së shpeshti infektive. Lartësia e temperaturës nuk do të thotë të përputhet të jetë në harmoni me rëndesën e sëmundjes. Fëmijët janë të predispozuar ndaj temperaturave të larta, por më lehtë i tolerojnë se të rriturit. Temperatura trupore mund të matet nën sqetull, nën gjuhë dhe në zorrën e trashë.

Matja e temperaturës nën sqetull
Maja e termometrit duhet të vendosët thellë në nënsqetull e krahun ta palosim për trupi. Matja zgjatë 10 minuta.

Matja e temperaturës nën gjuhë
Maja e termometrit duhet të jetë e vendosur nën gjuhë, ndërsa goja e mbyllur. Matja zgjatë 5-10 min. Këtë vend temperatura është diçka më e lartë se në nënsqetull.

Matja e temperaturës në zorrë
Termometrin duhet vendosur rreth 5 cm në zorrë. Matja zgjatë 5 minuta. Kjo është metoda më e besueshme. Në zorrë temperatura normal për 0,4-08 ˚C është më e lartë se në sqetull. Nëse diferenca në mes temperaturës së matur në zorrën e trashë dhe temperaturës së matur në sqetull është më e madhe se 1ºC. Kjo flet për sëmundje inflamatore në bark (psh. ‘ndezja e zorrës qorre’).
Temperatura normale e trupit variron të njerëzit e ndryshëm dhe të personi i njëjtë gjatë ditës. Në mëngjes është më e ulëta, ndërsa në mbrëmje më e larta. Merret se kufiri i sipërm i temperaturës trupore i matur në sqetull është 37,2ºC, nën gjuhë 37,5ºC, ndërsa në zorrë 37,8ºC.

Veprimet
* I sëmuri me zjarrmi duhet të pushojë. Nuk guxojmë të lagim me ujë. Mbulesa duhet të jetë e lehtë ndërsa ambienti i ndritshëm.
* I sëmuri duhet merr shumë lëngje (çaj, lëng frutash).
* Nëse temperatura kalon 39ºC, zvogëloje me lecka. Janë të dobishme edhe banjat me ujë të vakët.
* Nëse temperatura kalon 40ºC, tërë trupin fërkoje me lecka të lagështa dhe bëni frikcione të lehta me lecka të pambukta. Veprimet përsëritni derisa temperatura të bie nën 39ºC.
* Për zbritjen e temperaturës ekzistojnë edhe një numër i madh i barnave, për foshnje dhe për të rritur, në formë tabletash, shurupeve dhe suposteve. Veprimi fillon 30-60 min. pas marrjes.

Shenjat e vdekjes
Te personi i pavetëdijshëm, e po qe se është në gjendje të hipotermisë, frymëmarrja dhe pulsi mund të jenë aq të dobësuara sa nuk mund t’i konstatojmë. Për këtë me kontrollin e frymëmarrjes dhe pulsit nuk mundemi me siguri ta konstatojmë vdekjen. Shenjat më të hershme të vdekjes janë: sytë e maces, njollat dhe shtangimi kufomor.

Sytë e maces
Nëse kokërdhoku i syrit te i vdekuri shtypet anash, bebëza zgjatët dhe bëhet ovale.

Njollat kufomore
Janë të ngjyrës së kuqe dhe murrme, vjollcë. Lajmërohen për shkak të derdhjes së gjakut në pjesët e poshtme të trupit. Shihen në lëkure në atë anë në të cilën shtrihet kufoma. Në fillim janë të fiksuara për trupi, e pastaj nëse kufomën e kthejmë atëherë edhe njollat do të bartën prapë në pjesët e poshtme. Njollat kufomore fillojnë të lajmërohen 30-60 minuta pas vdekjes.

Shtangimi kufomor
Trupi i kufomës në fillim është i poroz. Dy deri katër orë pas vdekjes fillon shtangimi i disa nyjave, e pas 6-8 orëve prej vdekjes tërë trupi është i shtanguar. Shtangimi zgjatë 2-3 ditë.

Nehat Fejza të enjten është marrë me dy punë: ka bërë titrat e filmit “Ndjekja e Larës” dhe ka shfletuar aktakuzën që rëndon mbi të për keqpërdorim të parasë publike.

Fejza, pronar i “Concordia Pictures”, bashkëproducent i “Ndjekja e Larës”, ka thënë se më së largu deri më 10 qershor të këtij viti, filmi i nisur që në vitin 2006, do të jepet premierë në kinemanë “ABC” në kryeqytet, bën të ditur “Koha Ditore”.

Ai pritet t’i nënshtrohet një procesi gjyqësor, nëse aktakuza kundër tij, Astrit Haraqisë, Valton Beqirit e Armond Morinës konfirmohet. Dy ish-ministrat rrezikojnë të dënohen deri tetë vjet burgim për shpërdorim të pozitës zyrtare, përderisa dy producentët mund të dënohen me nga pesë vjet për keqpërdorim fondesh.

Por planet e Fejzës nuk i interesojnë prokurores së Prokurorisë që Qarkut në Prishtinë, Drita Hajdari, e cila ka thënë se ka fakte që Fejza ka keqpërdorur 188 mijë eurot e marra nga Ministria e Kulturës. Sipas saj, aktakuza ndaj Fejzës ka të bëjë me shkeljen e kontratës me MKRS-në dhe mënyra se si janë shpenzuar paratë e buxhetit të Kosovës. E Fejza thotë se është vonuar me arsye dhe se për të gjitha paratë që i ka marrë në MKRS në emër të realizimit të këtij filmi i ka arsyetuar qysh në vitin e kaluar. Ministria thotë të kundërtën.

Para disa ditësh – tri javë pasi Prokuroria e Qarkut në Prishtinë kishte ngritur aktakuzë ndaj Fejzës për përfitim të kundërligjshëm të parasë – i apostrofuari ka dërguar në prokurori DVD-në e filmit “Ndjekja e Larës”. Një kopje të DVD-së së filmit të zhanrit komedi e ka siguruar edhe gazeta.

Shasivar Haxhijaj, këshilltar i lartë i ministrit të Kulturës, Memli Krasniqi, i kishte thënë gazetës se gjatë mandatit të tyre i kanë kërkuar Fejzës raport për mjetet e shpenzuara si dhe për punët që janë bërë për filmin. Por sipas tij, një gjë të tillë s’e kanë bërë. Por të enjten e 17 majit, kur gazeta i ka kumtuar “faktet të cilat Fejza thotë se i ka paraqitur në MKRS për mbyllje të avancave”, Haxhijaj, ka folur pak më butë.

“Ai (Fejza v.j) ndoshta edhe e ka sjellë DVD-në, por nuk është e rëndësishme. Edhe puna e avancave që ai thotë se i ka mbyllur mund të ketë sjellë ndonjë faturë, por tash kjo është komplet çështje e prokurorisë dhe gjykatave”, ka thënë Haxhijaj.

“Edhe nëse i ka dërguar këto vitin e kaluar ka mundur që kjo çështje të shkojë direkt në prokurori, pasi që edhe gjatë 2011-s kanë pasë nisur hetimet”.

Po kaq e komplikuar sa raporti ndërmjet Fejzës dhe Ministrisë së Kulturës është edhe fabula e realizimit të filmit “Ndjekja e Larës”. Sipas Fejzës, projekti ka nisur qysh në vitin 2006 kur është prezantuar si ide në shumë festivale. Madje ishte arritur edhe një marrëveshje që filmi të jetë prodhim mes Gjermanisë, Holandës dhe Kosovës, por që ishte ndërprerë pasi kishte vdekur njëri nga producentët e projektit. Në vitin 2008, Fejza kishte bërë një tentim për të hyrë në bashkëprodhim me kompaninë shqiptare “Maku” që do të prodhonte filmin nën regji të Edon Rizvanollit. Por as kjo nuk i kishte “dhezë”.

Tek në fund të vitit 2009, projekti kishte marrë udhë zyrtarisht kur në bashkëprodhim kishte hyrë kompania “Left Eye Blind” nga Anglia e cila ishte futur si bashkëprodhuese e parë.

“Xhirimet kishin nisur në Angli, Francë, Zvicër, Itali, Shqipëri dhe Kosovë. Madje në Kosovë është xhiruar më shumë se 65 për qind e filmit, ndërsa pjesa tjetër në vendet e ndryshme”, ka thënë Fejza.

Në versionin e parë në DVD që gazeta e ka parë, filmi ka skena të ndryshme në Kosovë dhe Shqipëri, që shpërfaqin edhe Prishtinën, por edhe qytete e fshatra të tjera. Skenarin e filmit e ka shkruar Matt Maude, ndërsa regjinë e ka bërë Jamie Donoughue, ndërsa në rolet kryesore luajnë Dom Doughty (Jimy), Nicola Millibank (Lara) e Will Rastall (Tom). Aty ka edhe aktorë kosovarë, si Alban Makolli, Shqipërim Bajrami e Shaban Gashi.

Në film, Tom dhe Jimy hidhen në kërkim të Laras, e cila është e bllokuar në një pjesë tjetër të Evropës. Meqenëse Lara për një javë do të martohet, Tom e Jimmy do të marrin udhëtim nëpër gjashtë vende të Evropës për ta kthyer Laran në Angli. Skenat qesharake janë të shumta në filmin i cili komplet është i realizuar në gjuhën angleze.

Projekti “Ndjekja e Larës” asokohe “Power Cuts” – ashtu si edhe “Mysafir në sofër” i Armond Morinës – i cili deri tani ka marrë 100 mijë euro nga 300 mijë sa parashihet me kontratë – janë mbështetur nga Ministria e Kulturës në shpërputhje me Ligjin për kinematografi, sipas të cilit Qendra Kinematografike e Kosovës nëpërmjet konkursit shpërndan buxhetin për film. Asokohe arsyetimi i MKRS-së për kontrata të tilla ka qenë se QKK-ja ishte jofunksionale (gjerësisht në “Kohën Ditore”).

Procesi i letrave me vlerë po i kushton majmë arkës së shtetit. Për 49 milionë e 572 mijë euro të hyra nga ky proces, Qeveria obligohet të paguajë fiks 50 milionë euro detyrime. Pas përfundimit të ankandit të pestë të shitjes së letrave me vlerë, kamata që duhet paguar për borxhin ndaj letrave me vlerë ka arritur vlerën prej 427 mijë e 630 eurove. 

Vetëm në ankandin e fundit Ministria e Financave si bartëse e projektit të letrave me vlerë ka pranuar të hyra prej 9 milionë e 924 mijë e 477 eurosh. Për këto mjete Qeveria obligohet që në afatin prej 91 ditëve të kthejë 10 milionë euro, apo 75 mijë e 522 euro më shumë sesa të hyrat. Procesi i filluar në janar të këtij viti ka grumbulluar të hyra në vlerë prej 49 milionë e 572 mijë eurove për Qeverinë. Në bazë të planifikimeve financiare shtetërore të paraqitura në buxhetin vjetor, brenda vitit 2012 është llogaritur që të hyhet në borxh prej 74 milionë eurove nëpërmjet bonove të thesarit, apo letrave me vlerë. Po që se Qeveria kompleton planin e paraqitur në buxhetin e aprovuar në Kuvend për borxhin publik, atëherë i bie që kamata të kalojë në mbi 620 mijë euro, llogaritur me interesin bazë prej rreth 3 për qind. Me të njëjta mjete do të mundej të investohej në ndërtimin e ndonjë objekti shkollor apo hapje e ndonjë minifabrike në partneritet publiko-privat. Ministri i Financave, Bedri Hamza, të enjten e ka arsyetuar hyrjen në borxhin e letrave me vlerë si proces që duhej të ndodhte patjetër.

“Zhvillimi i tregjeve financiare, pra i tregut të letrave me vlerë, është parakusht për zhvillimin e tregut të kapitalit. Kosova ka filluar thuajse e fundit me këtë proces. Ka filluar në bazë të planifikimeve, në kohën e paraparë. Për shkak se Kosova ka një stabilitet makroekonomik, ka një aftësi dhe ka likuiditet, ka arritur që të ketë normat e kamatave jashtëzakonisht të ulëta. Norma e kamatave është rreth 3 për qind”, ka thënë Hamza. Borxhin prej 74 milionë eurove nga letrat me vlerë ai e vlerëson si pjesë e tabelave të buxhetit të Kosovës.

“Gjithkund në botë paguhet kamatë për paratë e huazuara”, është shprehur Hamza. Ai nuk ka dhënë arsye konkrete të hyrjes së Qeverisë në borxhe publike nëpërmjet letrave me vlerë. Por, sipas tij, Kosova vazhdon të ketë nivel të ulët të borxhit publik krahasuar me vlerën reale të bruto prodhimit vendor.

Qeveria ka qenë e obliguar që të kthejë te borxhlinjtë e ankandit të parë 10 milionë euro deri më 18 prill, kurse kësti e dytë i borxhit prej 10 milionëve nga ankandi i dytë i letrave me vlerë i zhvilluar në shkurt, në bazë të planit, është dashur të maturohej më 16 maj.

Qeveria e Kosovës ka filluar të interesohet për qymyr në rajonin e Dukagjinit. Për këtë punë është zgjedhur edhe kompania konsulente, që do të vlerësojë se si të shfrytëzohen rezervat e basenit të Dukagjinit në të ardhmen.

Megjithëse gjithçka është në fazën fillestare, njohësit e kësaj fushe frikohen nëse qeveria po planifikon të ndërtojë kapacitete të reja energjetike nga linjiti në këtë zonë, shkruan Express.

Këtij shqetësimi duket se po i kontribuon ndërtimi i termocentralit Kosova e Re dhe shfrytëzimi i një pjese të madhe të rezervave ekzistuese nga investuesi i këtij projekti.

Luan Shllaku, drejtor i Fondacionit për Shoqëri të Hapur, thotë se çdo studim që tregon se çfarë pasuri minerare ka vendi dhe si mund të shfrytëzohen ato është i mirëseardhur.Por, ai është kundër ndërtimit të një termocentrali të ri në Dukagjin, së paku edhe në 20 vitet e ardhshme.

Ministri i Zhvillimit Ekonomik, Besim Beqaj gjatë qëndrimit në Vjenë është takuar me personalitete shtetërore me të cilët ka diskutuar për çështje të interesit të përbashkët, respektivisht fushën e energjisë.

Në fjalën e tij gjatë sesionit “Trendet e sektorit të energjisë në kontekstin e zhvillimit social”, Beqaj ka thënë se në vitet e fundit, Qeveria e Kosovës ka punuar shumë për të bërë përparim të konsiderueshëm në reformimin e sektorit të energjisë.

Kreu i MZHE-së, tha se Strategjia e Energjisë e Kosovës e bazohet në tri shtylla të rëndësishme, të cilat përfshijnë: garantimin e sigurisë së furnizimit; vetë-qëndrueshmërinë e sektorit të energjisë elektrike dhe mbrojtjen e mjedisit.

Njësiti i Hetimeve të Krimeve Ekonomike dhe të Korrupsionit të Rajonit të Ferizajt, ka arrestuar të enjten, Shukri N. 49 vjeç, profesor i lëndës së Fizikës në gjimnazin “Kuvendi i Arbrit” në Ferizaj, nën dyshimin për marrje të ryshfetit.

Raportohet se profesori i dyshuar, për t’ua përmirësuar notat, i ka kushtëzuar dy nxënës të kësaj shkolle që t’ia japin atij nga 50 euro.

Zëdhënësi rajonal i policisë, Agim Gashi, ka thënë se pas kësaj, nxënësit e kanë njoftuar policinë, e cila, me konsultim të prokurorit kujdestar dhe pas përgatitjes së planit taktik, ka kapur në flagrancë profesorin, ndërsa në portofolin e tij janë gjetur edhe paratë të cilat janë konfiskuar.

Të dyshuarit iu është caktuar masa e ndalimit për 48 orë.

Michelle Trachtenberg (“Gossip Girl”) dhe Eliza Dushku (“Dollhouse”) do të shihen përsëri së bashku qëkurse ishin paraqitur në filmin e Joss Whedonit, “Buffy the Vampire Slayer”.

Ato tani do të luajnë filmin e ri me emrin “The Scribbler.”

Filmi i prodhuar nga “New Artists Alliance” do të fillojë prodhimin gjatë kësaj jave në LA.

Në “Scribbler” luajnë edhe aktorja Katie Cassidy (“Taken”), e cila do të luajë rolin e Sukit, një gruaje të re e cila përpiqet të bëjë shkatërrime të shumëfishta të njerëzve duke bërë një makinë eksperimentale të njohur si “The Siamese Burn”.

The Scribbler është njëri nga katër filmat që janë bashkë-prodhuar në mes të “New Artist Alliance, një kompani e specializuar për filma me buxhet të ulët dhe “ Caliber Media”.
Dy këto kompani edhe më parë kanë prodhuar filma së bashku.

Në film po ashtu luan edhe Garret Dillahunt (“Winter’s Bone”), Gina Gershon (the upcoming “Killer Joe”), Michael Imperioli (“The Lovely Bones”), Billy Campbell (AMC’s “The Killing”) dhe aktorja e filmave për të rritur (porno) Sasha Grey (“The Girfriend Experience”).

Dushku është e njohur për punën e saj me regjisorin që ka bërë edhe regjinë e “The Avengers”, Joss Whedom. Ajo luan rolin e Faith në filmin e tij “Buffy the Vampire Slayer” dhe në filmin “Angel”, para se të luante rolin kryesor në”Dollhouse”.

Trachtenberg luan bashkë me Dushkun në “Buffy”, i cili ishte një serial që zgjati nga viti 2000 deri më 2003.