Plani Implementues i Marrëveshjes Kosovë-Serbi, të cilin një ditë më parë e ka siguruar “Koha Ditore”, ia përshtat marrëveshjeve me Serbinë ligjet e Kosovës, amniston serbët e veriut dhe ua lë në dorë strukturave ilegale vënien e bazave të Asociacionit të komunave me shumicë serbe.

Bazuar në dokument, zbatimi do të përbëhet nga gjashtë elemente kryesore: Rregullimi i kornizave ligjore; Asociacioni/Bashkësia; Policia; Gjyqësori; Zgjedhjet komunale; si dhe Dispozitat e përgjithshme.

Përkthimin e gjithë përmbajtjes së Planit e gjeni  në numrin e sotëm të “Kohës Ditore”.

E, KOHA.net sjell për lexuesit e saj faksimilin e dokumentit, në të cilin përpos nënshkrimit të kryeministrit të Kosovës, Hashim Thaçi, të mërkurën në të kanë vënë inicialet edhe kryeministri i Serbisë, Ivica Daçiq, dhe ndërmjetësja e dialogut politik Kosovë-Serbi, baronesha Catherine Ashton. Dokumenti nuk përmban ndonjë logo, ndonjë emër shteti, dhe as emrat apo pozitat e atyre që kanë vënë inicialet.

Presidenti amerikan Barak Obama ka vendosur një kurs të ri në luftën e Amerikës kundër terrorizmit, duke i definuar më saktë kërcënimet dhe duke shpallur standarde më të larta për sulmet e telekomanduara të SHBA-së.

Në të njëjtën kohë, ai mbrojti përdorimin e avionëve pa pilotë, apo dronëve si masë ligjore, efektive dhe kryesore përballë rreziqeve të reja me të cilat përballet Amerika.

“Forcat ajrore konvencionale apo raketat janë shumë më pak të sakta sesa dronët, dhe ka të ngjarë që të shkaktojnë vdekjen e më shumë civilëve dhe zemërimin lokal. Invazioni në këto territore bën që të na shikojnë si ushtri pushtuese; lëshon një rrëke të pasojave të paqëllimshme; përmbajta është e vështirë dhe në fund të fundit fuqizon ata që duan konflikt të dhunshëm”, u shpreh Obama.

Këtë javë Obama nënshkroi kufizime të rrepta mbi përdorimin e dronëve kundër terroristëve të dyshuar.

Tani një individ që është në shënjestër duhet të paraqesë “kërcënim të vazhdueshëm dhe të pashmangshëm kundër Amerikës.” Më parë, ky standard ishte “një kërcënim i rëndësishëm.”

Në fjalimin e tij në Universitetin e Mbrojtjes Kombëtare në Uashington, ai tha se administrata e tij ka vepruar gjithmonë e përmbajtur:

“Amerika nuk ndërmerr këto sulme, kur kemi mundësinë që të arrestojmë terroristët- preferenca jonë është gjithmonë që të kapim, marrim në pyetje dhe të ndjekim penalisht ata. Amerika nuk i zgjedh sulmet kurdo. Veprimet tona janë të ndërlidhura me konsultime me partnerët dhe duke respektuar sovranitetin shtetëror”.

“Amerika nuk ndërmerr sulme për të ndëshkuar individët – ne veprojmë kundër terroristëve, që paraqesin kërcënim të vazhdueshëm dhe të pashmangshëm ndaj popullit amerikan, dhe kur qeveritë tjera nuk janë të afta për të adresuar në mënyrë efektive kërcënimin”, u shpreh Obama.

Shtëpia e Bardhë ka luftuar gjatë me dilemën morale të viktimave civile të shkaktuara nga sulmet e telekomanduara, veçanërisht në Pakistan. Obama tha se ai “përndiqet” nga këto vdekje.

Ai tha se politikat e tij të reja synojnë që të vënë Shtetet e Bashkuara në një rrugë të përfundimit të luftës kundër terrorizmit dhe që të vendosin Amerikën përsëri në pozicion paqeje.

Presidenti i ka përshtatur komentet e tij në kontekstin e identitetit kombëtar të Amerikës, duke thënë se, “historia do të hedhë një gjykim të ashpër në këtë aspekt të luftës sonë kundër terrorizmit dhe ndaj nesh që nuk arritëm ta përfundojmë atë.”

Shifrat zyrtare amerikane të numrit të sulmeve dhe të viktimave mbeten të klasifikuara, por nga vlerësime të ndryshme sugjerohet se kanë qenë rreth 400 sulme të telekomanduara, që janë kryer nga viti 2004, shumica në Pakistan, por edhe në Jemen, Somali dhe vende të Afrikës së Veriut.

Studimet flasin për rreth 3 mijë të vrarë nga sulmet e telekomanduara, përfshirë këtu edhe militantë, edhe civilë.

Obama tha se i ka kërkuar administratës së tij opsionet e rritjes së mbikëqyrjes së programit të sulmeve të telekomanduara, ose me një bord mbikëqyrës të pavarur në degën ekzekutive ose përmes një gjykate të posaçme për të vlerësuar dhe autorizuar veprimet vdekjeprurëse.

Anthony Kordesman, një ish drejtor i vlerësimit të inteligjencës për Departamentin e Mbrojtjes, tani në Qendrën për Studime Strategjike dhe Ndërkombëtare, thotë se çdo komision i mbikëqyrjes do të duhet të punojë më shpejt dhe të mos marrë parasysh mendimet e zyrtarëve të cilët avokojnë sulmet e telekomanduara.

Ai gjithashtu tha se kufizimet e reja mbi përdorimin e dronëve nuk janë domosdoshmërish zhvendosje e rëndësishme e kësaj politike.

“Mendoj se ky do të jetë problem: presidenti ndoshta vendos kufizime më të mëdha në përdorimin e dronëve, por siç ka theksuar ai në fjalim, ato shpesh janë mekanizmi më i mirë për grupet terroriste. Dhe këto rregulla duhet të zbatohen lëvizje pas lëvizje dhe rast pas rasti”, u shpreh Kordesman.

Obama gjithashtu tha se ai do të përsërisë qëllimin e tij për të mbyllur objektin e paraburgimit në Guantanamo dhe se ka hequr moratoriumin mbi zhvendosjen e të burgosurve të Guantanamos në Jemen.

Një grevë e përhapur e urisë në burg e ka theksuar situatën e dëshpëruar të 166 të burgosurve, që SHBA po i mban në një kohë të pacaktuar, shumë nga ta pa aktakuzë ose që tashmë janë shfajësuar nga ndonjë keqbërje./rel/

Barack Obama i ri? Është nga Chicago dhe është vetëm 9 vjeç. Në kaosin e protestës për mbylljen e 50 shkollave publike në qytetin e Illinois, Asean Jonhson ka mbajtur një fjalim të nxehtë për të bindur kryetarin e bashkis, Rahm Emanuel, të mos mbyllte institutin ku ai studion Marcus Garvey School.

Dhe Obama i vogël ia ka dalë mbanë. Me një ton të ftohtë dhe të sigurt, Asean ka thënë: “90 përqind e mbylljes së shkollave kanë të bëjnë me afroamerikanët, ky është racizëm”.

Videoja e fjalimit të tij është parë deri tani në rrjet nga më shumë se 34 mijë persona.

http://www.youtube.com/watch?v=HDpbOtttVTE

E thjeshte për t’u realizuar, kjo maskë kundër akneve pastron fytyrën dhe parandalon shfaqjen e puçrrave te padëshiruara. Një zgjidhje shume natyrale qe lëkura juaj te jete e lëmuar.

Ju duhet 1 e bardhe veze dhe 1 luge kafeje miell misri.

E bardha e vezës

E bardha e vezës përmban proteina, një prej te cilave është edhe albumina. Kjo e fundit jep efektin e një make te vërtetë kur thahet.

E bardha e vezës përmban gjithashtu edhe një enzimë të çmuar, kualifikuar shpesh si antibiotik natyral, lismozen, i cili shkatërron bakteret.

Mielli i misrit

Shumë i pasur me amidon, ai përmban elementë që zbut lëkurën.

Realizimi i maskës

Zgjidhni një vezë të freskët dhe mundësisht bio (nga pula fshati vendi). Ndani të bardhën nga e verdha. Rriheni të bardhën si për omëletë dhe më pas shtoni miellin e misrit.

Përziejini mirë derisa te krijohet një përbërje kremoze. Para se ta vendosni në fytyre, bëni një nxehje të fytyrës me peshqir të lagur me ujë të ngrohtë që të hapni poret.

Aplikoni maskën dhe lëreni për 15 minuta. Me pas shpëlajeni me ujë te ngrohte.

Ata qe kanë fytyrë të yndyrshme mund ta përdorin edhe çdo javë.

Masat qe duhet te merrni

• Kjo maskë duhet përgatitur dhe përdorur menjëherë. Ju nuk mund ta ruani edhe për ditë tjetër.

• Është shumë e rëndësishme të respektoni një higjiene strikte para përdorimit.

• Mos harroni të pastroni dhe te dezinfektoni duart.

E nisim nga lajmi i keq. Jemi bindur tashmë se për të humbur kilogramë dhe për të mbajtur trupin në formë, palestra është mënyra më e mirë. Kjo e fundit do kohë dhe vullnet. Por kjo mënyrë nuk është e pazëvendësueshme.

Lajmi i mirë; sipas grupit të studiuesve amerikanë mjaftojnë 7 minuta ushtrime fizike të përzgjedhura në ditë për të mbajtur trupin në formë, por edhe për të hequr disa kilogramë.

Për të vënë në zbatim këshillën e studiuesve amerikanë mjafton një karrike, një mur dhe pesha trupore, asgjë më tepër. Lista e ushtrimeve që duhet të kryhet për 7 minuta është 12, duke nisur që nga ushtrimet për muskujt e barkut, shpinën, fundshpinën, kofshët dhe krahët.

Gjithë këto ushtrime, sipas studiuesve, duhet të kryhen brenda 7 minutave. Një ushtrim nuk duhet të zgjasë më shumë se 30 sekonda dhe tjetri duhet të pasojë menjëherë pas përfundimit të 10 sekondave pushim.

Megjithatë, jo të gjithë kanë zotësinë për të kryer këtë listë ushtrimesh brenda 7 minutave. Të moshuarit, obezët apo personat me probleme në zemër këshillohen t’i qendrojnë larg kësaj metode dhe të vazhdojnë me ushtrimet tradicionale si ecje apo kros i lehtë në natyrë.

Nënkryetarja e PDK-së, Vlora Çitaku ka deklaruar se do të dalin subjekti i parë politik në zgjedhjet e ardhshme lokale dhe parlamentare.

Ajo ka bërë me dije se sondazhet e brendshme PDK-në e vendosin me 40 për qind të besimit të qytetarëve.
“Jemi të bindur se Partia Demokratike jo vetëm do t’i mbajë komunat të cilat është duke i qeverisur aktualisht, por do t’i fitojë edhe komunat e tjera, edhe Prishtinën. PDK-ja do të rikonfirmohet sërish forca e parë politike në vend”, ka thënë Çitaku.

Që PDK-ja do të dalë subjekti i parë politik, sipas Çitakut, tregon edhe sondazhi i fundit i Qendrës Kosovare për Studime të Sigurisë. Ajo ka thënë se ky sondazh është i favorshëm për PDK-në mirëpo, sipas saj, sondazhet e brendshme PDK-në e rendisin të parën me 40 për qind.
“Jemi të bindur se rezultati është më i favorshëm për ne. Sondazhet tona të brendshme na vendosin rreth 40 për qind”, ka deklaruar Çitaku. Megjithatë, ajo ka thënë se fitorja e PDK-së nuk bazohet në sondazhe, por është e bazuar në rezultatin e punës që është bërë nga qeverisja e PDK-së në nivel qendror dhe lokal, shkruan Epoka e re.

Çitaku ka thënë se oferta e PDK-së edhe në këto zgjedhje lokale do të jetë oferta më e mirë për Kosovën dhe qytetarët e saj. “Jemi të bindur në fitoren e PDK-së në zgjedhjet lokale, sepse oferta e PDK-së është oferta më e mirë për qytetarët e vendit. Platforma me të cilën kanë qeverisur kryetarët e PDK-së ka qenë platforma e cila ka reflektuar me shumë rezultate dhe një jetë më të mirë për qytetarët e Kosovës”, ka vlerësuar Çitaku. Në këtë kontekst, ajo ka thënë se qeverisja e PDK-së e ka vendosur Kosovën në rrugë të mbarë dhe në binar të drejtë. Pavarësisht problemeve që mund të ketë ende në vend, Çitaku ka thënë se PDK-ja ka bërë më së shumti investime për këto vite.
“Asnjëherë më shumë se në këto vite, prej që PDK-ja është në qeverisje, nuk ka pasur investime publike dhe nuk ka pasur rritje më të madhe të mirëqenies. Normalisht se jemi të vetëdijshëm që problemet janë të mëdha dhe Kosova është një vend me shumë probleme të akumuluara me dekada. Ka shumë sfida të cilat s’mund të zgjidhen me një mandat as me dy, por e rëndësishëm është që PDK-ja ka vendosur Kosovën në rrugë të mbarë dhe në binarë të drejtë”, ka thënë Çitaku.

Ajo ka bërë me dije se PDK-ja është në procesin e përzgjedhjes së kandidatëve për kryetarë komunash dhe, sipas saj, se shpejti do të bëhet zyrtarizimi i kandidaturave të kandidatëve. “Jemi në procedurat e përzgjedhjes së kandidatëve, në disa vende janë përzgjedhur, kurse në disa ende nuk janë përzgjedhur. Procesi në këtë drejtim është duke shkuar mirë”, është shprehur Çitaku, duke mos dashur të flasë për emrat e kandidatëve. “Nuk dëshiroj të flas me emra konkretë për kandidatë pasi është ende herët të flasim publikisht, por do të vijë koha kur do t’i shpalosim edhe zyrtarisht. Jemi të përqendruar në dialog me qytetarët që ta prodhojmë projektin dhe programin më të mirë”, ka deklaruar Çitaku.

Arsenali duket se ka arritur marrëveshje me qendërmbrojtësin e Swanseas, Ashley Williams.

Ka kohë që Wenger e ka bërë prioritet transferimin e qendërmbrojtësit të jashtëzakonshëm të klubit uellsian, ndërsa është punë kohe kur ai do të zyrtarizojë kalimin te Arsenali.

Gjithë ajo që ka mbretur të bisedohet është shuma transferuse me Sëansean.

Williams pritet që të nënshkruajë kontratë që do ta mbajë atë te Arsenali deri në vitin 2016 me përfitime prej 60 mijë funtesh në javë.

Portieri i Borussia Dortmundit, Roman Weidenfeller, dëshiron ta rishkruajë historinë me klubin e tij në finalen e Ligës së Kampionëve, duke e përsëritur suksesin që klubi kishte në vitin 1997.

Dortmundi e mposhti gjigantin e Serie A, Juventusin, me rezultat 3-1 për t’u bërë kampion të Evropës në vitin 1997 edhe pse ishin jofavorit.

“Të gjithë ende flasin me admirim për ekipin e 97-tës. Nëse edhe ne e fitojmë titullin në Londër këtë vit, besoj se do të fitonim status të njëjtë. Por, Bayerni është i përqendruar që të bëjë gjithçka për të na mposhtur të shtunën”, deklaroi Weidenfeller.

Bayerni udhëton i vetëm drejt Londrës. Pas zhgënjimeve në dy finale të Ligës së Kampioneve, skuadra gjermane nuk mund të gabojë më dhe për të menduar deri në detaje rreth transfertës së Uemblit, drejtori sportiv, Matthias Sammer deklaroi se lojtarët duhet të përqëndrohen maksimalisht te takimi, prandaj bashkëshortet e tyre nuk u lejuan të udhëtojnë në të njëjtin avion me ta.

Me çarterin e posaçëm për lojtarët bavarezë nuk udhëtuan as përfaqësues të firmave sponsorizuese apo tifozë.

Një zgjedhje kjo që synon të tregojë seriozitetin e shoqërisë dhe dëshirën e drejtuesve për të mos dështuar në këtë finale sepse në rast të kundërt, kupa e veshëve të mëdhenj do të kthehej në një mallkim për ta

Për të pestin vit rresht futbolli shqiptar nderoi talentin më të mirë të sezonit nëpërmjet një ceremonie të veçantë që synon nxitjen dhe zhvillimin e fidanishteve në ekipet e të gjitha kategorive.

Në evenimentin e organizuar nga shoqata “Sporti na bashkon” në Teatrin Kombëtar, mbrojtësi 21-vjeçar i Flamurtarit, Gledi Mici fitoi çmimin e Talentit më të mirë të vitit, për të cilin votuan përfaqësuesit e mediave dhe specialistët e sportit.

Lojtari fierak u shpreh i nderuar për fitoren e këtij çmimi, ndërsa shtoi se e ardhja e tij e afërt do të vazhdojë të jetë në qytetin bregdetar.

UEFA shpërblen Gjermaninë pas kualifikimit të dy skuadrave në finalen e madhe të Champions League që do të zhvillohet të shtunën në stadiumin Wembley mes Borussias së Dortmundit dhe Bayernit të Mynihut.

Organi më i lartë përfaqësues i futbollit europian bën me dije se finalja e Champions League për sezonin 2014-2015 do të zhvillohet në stadiumin “Olimpik” të Berlinit. Vendimi është marrë nga Komiteti Ekzekutiv i UEFA-s pas zhvillimit të mbledhjes në qytetin e Londrës.

“Olympiastadion” i hapi dyert zyrtarisht për herë të parë në vitin 1936 me rastin e Olimpiadës, ndërsa në historinë e tij ka pritur finalen e madhe të Kupës së Botës në vitin 2006 mes Italisë dhe Francës, ndërsa që prej vitit 1985 aty zhvillohen finalet e Kupës së Gjermanisë. Me kapacitet 74 mijë vende, “Olympiastadion” është shtëpia e skuadrës kryeqytetase të Hertha Berlinit. Ndërkohë, ndryshon seli një tjetër finale e sezonit 2014-2015 pasi ndeshja mbyllëse e Europa League do të luhet në stadiumin kombëtar të Varshavës në Poloni. Ndërkohë, sezonin e ardhshëm, finalen e Champions League do ta presë Lisbona, ndërsa atë të Europa League, Torino.

Peja është kampione e re në BKT Superligën e Kosovës në basketboll, pasi ka shënuar fitore edhe në takimin e tretë në duel me Sigal Prishtinën, me rezultat 84:73, që u zhvillua në palestrën “Karagaçi” në Pejë, në praninë e mbi 3000 shikuesve. Kësisoj, pejanët e kanë mbyllur serinë finale 3:0.

Pejanët shkëlqyen edhe në këtë takim, sidomos në gjuajtjet për tri pikë, duke mos e lejuar Sigal Prishtinën që t’ua rrezikojë fitoren për asnjë çast. Më të merituarit në fitoren e Pejës ishin Dardan Berisha, me 30 pikë dhe Samir Shaptahoviq, me 25 pikë, derisa te Sigal Prishtina më efikasi ishte Granit Rugova, me 22 pikë.

“E kemi merituar këtë festë. Gjatë tërë kampionatit kemi treguar se jemi më të mirë. I kemi mposhtur kundërshtarët edhe me nga 30 pikë diferencë. E kemi bërë një gabim atëherë kur nuk është dashur në finale të kupës, por kemi arritur ta përballojmë me sukses atë zhgënjim, duke u shfaqur në mënyrën më të mirë të mundshme në serinë finale të ‘play-off’-it. Peja e ka merituar titullin, për atë jam kthyer këtu dhe ia uroj të gjithë qytetit këtë sukses. Kam emocione të mëdha për këtë titull. Ia arrita qëllimit për ta rikthyer titullin në Pejë dhe tash duhet të shikoj për karrierën time, për të luajtur në një nivel më të lartë”, ka thënë menjëherë pas përfundimit të ndeshjes për Radio Kosovën, Dardan Berisha.

Kësisoj, Peja e riktheu titullin e kampionit në vitrinën e saj pas nëntë vjetësh, ndonëse atëherë kishte triumfuar në të ashtuquajturën Ligën Profesioniste, e cila ishte zhvilluar jashtë ombrellës së FBK-së, për shkak të problemeve në relacionet klube-federatë.

Kampionët e pasluftës:
1999/2000 Trepça
2000/2001 Trepça
2001/2002 Prishtina
2002/2003 Prishtina
2003/2004 Dukagjini
2004/2005 Mabeteks
2005/2006 Prishtina
2006/2007 Prishtina
2007/2008 Prishtina
2008/2009 Prishtina
2009/2010 Prishtina
2010/2011 Prishtina
2011/2012 Trepça
2012/2013 Peja