610xNasri_813776_thumb_large

City arrin marrëveshje për transferimin e Nasrit

Arsenali ka konfirmuar se ka arritur marrëveshje me Manchester Cityn për shitjen e mesfushorit francez, Samir Nasri.

Njoftohet se Roberto Mancini më në fund ka siguruar shërbimet e francezit për shumën prej 24 milionë funtesh.

Përmes një komunikate të lëshuar në faqen zyrtare të Topçinjve, njoftohet se Nasri do të mungojë në takimin ndaj Udineses për të udhëtuar në Mançester, ku pas ekzaminimeve mjekësore do ta kompletojë transferimin e tij.