Bukoshi punëson vajzën në diplomaci

Bukoshi punëson vajzën në diplomaci

Bukoshi punëson vajzën në diplomaciVajza e zëvendëskryeministrit të Kosovës, Bujar Bukoshit, Shota Bukoshi, është punësuar në Ambasadën e Kosovës në Berlin. Ministria e Punëve të Jashtme (MPJ) nuk ka pranuar të komentojë rreth kësaj çështje.

Derisa vet zëvendëskryeministri Bukoshi e ka konfirmuar punësimin e vajzës së tij, ka mohuar të ketë intervenuar. Duke mos dashur të komentojë më gjatë, ai tha se Shota, tash e një vjet ka konkurruar për këtë post.

“Unë nuk merrem me këtë çështje, nuk jam ai tip që bëjë intervenime. Ajo ka konkurruar para më shumë se një viti, ndërsa është pranuar pas një kohe bukur të gjatë që nga konkurrimi. E po të isha më i shkathët në këtë aspekt e kisha shti në punë menjëherë, e nuk do ta lija të priste deri tani”, ka thënë për gazetën “Zëri”, Bukoshi.

Përfaqësuesit e shoqërisë civile e shohin këtë punësim si vazhdimësi të punësimeve familjare në misionet diplomatike dhe konsullore të Kosovës që kanë ndodhur tash sa vjet. Sipas tyre, punësimet më të njohur e kryesisht familjar po shtohen çdo ditë e më shumë, shkruan “Zëri”.