Një bebe e cila luan ping-pong është bërë sensacion në YouTube pasi mahniti shikuesit me shkathtësitë e veta për të luajtur këtë sport në një moshë kaq të re.

Fëmija i mrekullueshëm Jamie me reket në dorën e majtë kthen të gjitha gjuajtjet top pas topi derisa qëndron i ulur në tavolinën e ping-pongut.

Meritor për këtë është edhe babai dhe njëherësh trajneri i tij i cili e përgatit djalin në këtë moshë kaq të re.

www.youtube.com/watch?v=1n5uFGk2pnc

Japonezi Takeru Kobayashi arriti të hajë 337 krahë pule për kohën rekorde prej 30 minutash. Ai e fitoi shpërblimin prej 20.000 dollarëve në garën “Wing Bowl XX” që u mbajt në Filadelfia.

Sipas agjencisë së lajmeve AP, rreth 20 veta, shumica e të cilëve hëngrën krahë pule, morën pjesë në këtë manifestim.

Rekordin paraprak prej 225 krahëve e mbante amerikani Jonathan Skwib.

Imazhet piktoreske të Kirke Wendelstein, kishës së vogël që ndodhet në 1.838 metra lartësi, në Alpet Bavareze.

Kisha më e lartë e Gjermanisë, mbuluar nga bora dhe acari që ka përshirë Gjermaninë dhe jo vetëm, është bërë skenari i këtyre pamjeve të mrekullueshme rrethuar e gjitha nga bora dhe akull, që kanë mbuluar plotësisht fasadën e saj duke e kthyer në një peisazh të mrekullushem përrallor.

Kisha është e vendosur në Bayrischzell, jo larg nga kufiri me Austrinë, në mes të Mynihut, Insbruk dhe Salzburg, në një zonë shumë të vizituar si në verë edhe në dimër. Këtu mund të shkohet me tren dhe kujtojmë që këtë vit hekurudhat gjermane festojnë 90 vjetorin e tyre.

Në rrjetet sociale ka shpërthyer një diskutim nëse heroi i kësaj video është duke aktruar ose jo, por duke hulumtuar kemi mësuar se një sjellje e tillë është e mundshme për shkak të mungesës së oksigjenit.

Shikojeni videon dhe gjykoni vetë.

www.youtube.com/watch?v=3D5o3PYcJoM

Gjermani Selim Reid, prindërit e të cilit vijnë nga Iraku, e zgjodhi problemin e myslimanëve të cilët nuk dëshirojnë të hipin në taksi me femra. Reid themeloi kompaninë “Muslim Taxi” e cila ndanë udhëtarët sipas gjinisë, për ta respektuar traditën myslimane se burrat e gratë nuk mund të voziten bashkë.

Reid tha se për këtë punë ishte inspiruar që në vitin 1996 kur prindërit e tij po voziteshin me taksi, ndërsa një taksist i kritikoi për shkak të traditave myslimane, shkruan Huffington Post.

“Shoferi i taksisë më së tepërmi ankohej për të huajt që vinin në Gjermani dhe për faktin se nëna ime mbante një shall rreth qafës”, tha Reid.

Edhe pse “Muslim Taxi” tingëllon si shumë restriktiv, Reid thotë se kjo kompani do të siguroj për myslimanët më shumë të drejta dhe më shumë respekt për imigrantët.

Një foto e marrë nga hapësira tregon se si një copë akulli sa Nju Jorku po shkëputet nga AntarktidaShkencëtarët shprehet se duhet qartë se kjo copë akulli shumë shpejt do të nisë të lëvizë.

Kur ajsbergu të shkëputet nga ishulli i quajtur “Pine” do të mbulojë 560 km hapësirë të sipërfaqes së Tokës.

Shkencëtarët theksojnë se nëse do të ndodhë shkëputja, do të jetë hera e parë që ndodh në histori që prej vitit 1940 kur ka nisur vrojtimi.

www.youtube.com/watch?v=cUOGcG0ijds

E njohur për sukseset dhe risitë e panumërta në fushën e inxhinierisë elektronike këtë here Japonia po hedh hapa gjigantë edhe në fushën e ndërtimit të rrugëve.

Drejtoria e Rrugëve në Japoni ka marrë me qira hapësirën mes katit të katërt dhe të tetë të një ndërtesë 16-katëshe të ndodhur buzë autostradës për të ndërtuar një rrugë në mesin e saj, transmeton Starti njoftimet.

Shumësia e ndërtesave të larta në qytetin Osakas i ka shtyrë inxhinierët e rrugëve  të shpikin ide të reja. Inxhinierët arritën të ndërtonin një autostradë në mes të ndërtesës 16-katëshe “Gate Tower”.

Duke marrë me qira katet në mes katit të katërt dhe të tetë, drejtoria e rrugëve ka ndërtuar 3 rrugë të ndryshme brenda kësaj hapësire. Rrugët nuk përbëjnë asnjë rrezik dhe nuk cenojnë ndërtesën sepse janë të veshura me një shtresë të veçantë.

Megjithëse ashensori nuk funksionon mes katit të 4–t dhe të 8-të ndërtesa nuk përjeton asnjë lloj dridhjeje apo zhurme gjatë kohës së kalimit të makinave në të.

Edhe banorët e mësuar tashmë me kalimin e autostradës poshtë tyre e kanë ndryshuar emrin e ndërtesës  nga “Gate tower” në “koshere bletësh”. Dhe kjo për shkak të trafikut të dendur që përjetohet në ndërtesë.

Maçoku djallëzor i cili duket se me çdo kusht dëshironte të fluturonte në klasin e parë, shtyu fluturimin e një aeroplani për katër orë.

Maçoku Ripple ngjyrë hiri me lara, iku nga kafazi i pronares së tij derisa udhëtarët po futeshin në aeroplanin e linjës Halifax-Toronto.

Aeroplani pritej të nisej në orën 5:30, por të gjithë u detyruan të zbresin pasi maçoku u fut në klasin e parë dhe kabinën e pilotit, para se të bllokohej ndërmjet dy pllakave brenda kabinës ndërmjet këmbëve të pilotit.

Ripple shfrytëzoi rastin pas kontrollit të sigurisë. Pronarja e tij Debbie Harris nuk e vërejti se derëza e kafazit të tij nuk ishte e mbyllur mirë. Kur po vraponte drejtë klasit të parë, disa udhëtarë ia prenë rrugën me qëllim që ta kapnin, por ai arriti të ikte dhe u fut në kabinën e pilotit.

Zyrtarët e sigurimit u detyruan t’i heqin dy pllaka dhe të demontojnë një pjesë të kabinës për ta shpëtuar maçokun i cili ishte futur në një vrimë. Pas kësaj ekuipazhi testoi kabllot dhe pas kontrollit të detajuar udhëtarët u futën sërish në aeroplan dhe fluturuan rreth orës 10:00.

www.youtube.com/watch?v=PPAr0rVIiH0

BE do të shpenzojë tre milionë euro në studimin mbi “potencialin e insekteve si një burim alternativ i proteinave”.

Ekspertët e ushqimit kanë rënë dakord se insektet duhet të provohen në Europë, në mënyrë që këtë ushqim ata ta përdorin si ofertë shtesë në fast food-e.

Rreth 2.5 miliardë njerëz rreth botës i përdorin në kuzhinën e tyre insektet. Megjithatë, ekspertët e autoriteteve të ushqimit në Europë thonë se insektet janë një burim i madh proteinash.

Disa krimba përmbajnë proteina tri herë më shumë se një racion mish viçi, ndërsa katër bulktha kanë kalcium aq sa përmban një gotë qumësht.

Daniel Creedon, një shef kuzhine që gatuan milingonat, gjinkallat dhe bletët në mjaltë në restorantin “London Archipelago”, tha: “Nëse insektet fillojnë të përfshihen në zinxhirin ushqimor, duhet të fshihen. Jo shumë njerëz mund të blejnë një hamburger me gjinkallë”.

Ekspertët e mjedisit thonë se mësimi me këtë ide është i paevitueshëm, sepse sipas tyre, në 2020-n njerëzit nuk do të kenë shumë zgjedhje në ushqim.

Ata kishin kryer krime të ndryshme në zona të ndryshme të qytetit, por u bashkuan në qelitë e paraburgimit të një rajoni policie. Babë e bir kishin 17 vite pa u parë, por u takuan vetëm në një qeli.

Ka ndodhur kështu në Brazil, në San Paolo, kur babai u arrestua për kërcënim dhe i biri për vjedhje të armatosur. Babai nuk e kishte parë të birin që kur ishte vetëm 1 vjeç. Madje i riu as nuk e dinte kush ishte babai i tij.

18 vjeçari Orival Raimundo de Souza (i Riu) ishte arrestuar pasi kishte grabitur një karburant. Kur e sollën në komisariat dhe ai tha emrin, policia e kuptoi menjëherë se kishte fare pak që i kishte rrasur brenda babain, Orival Raimundo de Souza (i Vjetri).

Ky i fundit u përpoq të miqësohej me të birin duke i shpjeguar se përse kishte ikur, por ai nuk i foli. Megjithatë babai premton se do mbajë kontakte me të birin, edhe pse ka një merak: nuk do e bindë kollaj që të heqë dorë nga krimet me këtë shembull që sapo i dha.

Praktika që të në aeroplan të hasni në stjuardesa të disponuara për këndim e vallëzim po bëhet gjithnjë e më e shpeshtë, kështu që avio-kompania “Finnair” në këtë mënyrë iu dëshiroi udhëtarëve të vet Ditën e shtetësisë së Indisë gjatë fluturimit për në Nju Delhi. 

Stjuardesat e harlisura i befasuan për të mirë udhëtarët me vallëzim dhe këngë duke kaluar përmes ulëseve të udhëtarëve të aeroplanit.

Stjuardesat që vallëzojnë janë një ngjarje tashmë e parë nëpër aeroplanë, kurse gjithnjë e më shumë kompani të transportit ajtor të udhëtarëve dëshiron t’i befasojë dhe t’i disponojë udhëtarët.

www.youtube.com/watch?v=mEsnb3kUDAw

16 kg kokainë janë gjetur në dy thasë me logon e OKB-së të cilët ishin dërguar nga qendër e Organizatës së Kombeve të Bashkuara në New York.

Lënda narkotike ishte dërguar me 16 janar nga Mexico City, e cila ngjante si një dërgesë diplomatike por që nuk kishte adresë kthimi.

“Thesit ishte blu dhe mbanin simbolin e OKB-së dhe fjalët ‘Dërgesë Diplomatike’”, tha zëdhënësi i policisë së New York-ut, Paul Browne.

Nga ana tjetër zëdhënësi i OKB-së Martin Nesirky është shprehur se “kjo nuk ka lidhje me OKB-në” dhe se ajo nuk ishte dërgesë diplomatike.

Policia ende nuk ka gjetur se cili mund të ishte marrësi i kësaj dërgesë.