Adnan Januzaj do të zgjedh mes Kosovës dhe Turqisë !?

Adnan Januzaj do të zgjedh mes Kosovës dhe Turqisë !?

Adnan Januzaj do të zgjedh mes Kosovës dhe Turqisë !?Shtypi turk raporton se talenti i madh i Mançester Unitedit, pritet të zgjedhë ndërmjet Kosovës dhe Turqisë.

Ditë më parë, selektori i Kombëtares së Turqisë në Futboll, Fatih Terim, pranoi se ai dhe drejtuesit e Federatës Turke të Futbollit do të mundohen të bëjnë për vete supertalentin shqiptar nga Kosova, Adnan Januzaj, i cili luan për ekipin e Mançester Unitedit.

Januzaj nuk ka zgjedhur ende me cilën kombëtare do të luajë. Ai ka lindur në Bruksel, është formuar tek Anderlehti para se të kalonte në Angli, ndërsa ka luajtur me ekipet e shpresave të Belgjikës.

Supertalenti 18-vjeçar ka mundësi të zgjedhë ndërmjet disa shteteve, ndërsa në një aksion në drejtim të tij është lëshuar edhe Turqia.

Sipas medieve turke, babai dhe menaxheri I Januzajt, Abedini, ka bërë të qartë se djali i tij pritet të vendosë ndërmjet Kosovës dhe Turqisë. “Djali im do të zgjedhë Kosovën ose Turqinë”, raportojnë deklaratën e Abedinit, mediat turke, si “Haberler”, “NTV” etj.

Shtypi belg ka raportuar se Januzajn e pret një ftesë për t’u bashkuar me ekipin në Botërorin e “Brazilit 2014”.